今年6月1日將會喺Switch上推出嘅《聖劍傳說 Collection》，並唔係virtual console遊戲，而係以實體版同下載版發售，售價4800yen。遊戲一次收錄咗《聖劍傳說 FF外傳》、《聖劍傳說2》同《聖劍傳說3》3隻作品，而第3集更加從未移植過，個人認為95年推出嘅《聖劍傳說3》係系列最好玩一集之外，更係史上最好嘅ARPG之一。記得當年未有超任時，成日都走去朋友屋企黐機打《聖劍傳說3》，唔知老朋友仲有冇興趣一齊玩呢，Switch版對應即時save兼可以3人同時玩，大家都call下朋友一齊玩啦。