荷蘭失明玩家Sven自5歲起就已經因為癌症而完全失明，但佢由《街霸2》開始已經有玩，而且一直玩過唔少格鬥遊戲。今次佢專程去到西班牙參加「Sonicboom Tournament 」《街霸5》比賽，期間冇人提佢，亦冇特殊協助，只係靠headphone聽聲作判斷，實在係好熱血。比賽中Sven就用Ken迎戰青用豪鬼嘅對手，比賽唔係大家想像中咁靠防守，而且佢往往主動出擊之餘，連招同反擊都打我有辦有眼。頭Round贏得清脆俐落，第2 Round更差少少贏埋，去到第3 round對手不攻屈埋一角差唔多要輸時，趁對手失誤突圍反擊，最後以一滴血擊敗對手，真係擋多下都死。