由今年2月底開始連續推出多款大作，真係有多對手玩都冇咁多時間，不過咁多隻作品當中，我到依家我仲有玩嘅只係得返《Ghost Recon: Wildlands》，間中都仲有約埋班friend搭夜機去玻利維亞掃毒。今次《Ghost Recon: Wildlands》推出新Expansion「毒品道(Narco Road)」，更新嘅都算唔少，加入新車、新衫同新武器之餘，仲有埋新嘅故事任務。玩家要加入「隱形人」(El Invisible)旗下幫派做臥底，努力解任博取大佬信任，係一個小混混上位嘅勵志故事。

除咗新嘅故事任務之外，今次仲會加入開放4打4模式添，大家可以搵平時夾開有晒默契嘅隊友，挑戰一下其他小隊，測試自己實力。雖然今個資料片喺今日開放下載，但可惜係完咗復活節假期先推出，今日放工返去download得嚟都要等到weekend先有得玩，所以仲放緊復活節假嘅學生哥就開心啦。