唔少人睇得多日本AV，都對日本JR或電車嘅痴漢情節有好多fantasy。恕我掃興，做人定做鬼，往往係一念之差，自己諗清楚。

喺日本，有相當多電車迷。大阪與堺巿之間的阪堺電車，早前推出電車租賃服務，畀電車迷一大班人喺電車上開party、搞舊同學聚會或私人聚會。每次租用時間為2小時，可載 35人，車上可以飲食，但講到明唔准燃點易燃物品（放煙花更唔好諗），費用為55,200日圓（折合約4300港元），行程途中有兩次停站休息時間。

老老實實，除非你係電車迷，否則你如果打算開party，我會建議你另覓地方。之不過，你想試吓同你另一半，甚至幾個「玩得埋」嘅女性朋友喺電車攬吓、抱吓、摸吓，做啲唔超越法例，唔嚇親街坊，又滿足到你哋幻想嘅活動，我覺得非常值得一試呢項服務（我知道真正電車迷實會鬧爆我）。就算大家臨場上到車怕怕醜醜，規規矩矩，只係飲吓蒸餾水，但能夠俟住呢個，攬住嗰個Selfie吓都好吖！

阪堺電車租賃網址：http://www.hankai.co.jp/reserve/index.html