本文青最睇唔起嘅，就係啲冇料扮四條嘅所謂「專家」，呢啲人有好多，永遠都係講埋啲似是疑非、好似好把炮嘅「專業意見」，但其實就同睇相佬一樣都係得個吹字嘅沽名釣譽之輩。

就好似以下呢班出現喺一個荷蘭高級美食節嘅所謂「美食家」，就比人狠狠地陰咗一嘢。片中有兩位男子先喺麥當勞買咗一堆嘢食，將佢哋重新砌過，再謊稱係有機高級快餐，再比班「美食家」試。

「高級美食展」喎、「有機」喎，班美食家咪上哂當囉！明明就係麥樂雞，又話有幾Pure有幾True、明明就係漢堡扒，又話有幾咁多汁幾咁得。當被人問到同麥當勞有咩分別嘅時候仲話好食咗好多添！呢啲咪就係核突囉呀專家！