{ SKIP }
文:MenClub I Am Deep D  
POSTED ON 24 May 2018

一個好嘅故事一定有好嘅角色描寫,當中會有大家喜愛嘅角色,亦都會有寫出嚟令你想__嘅角色,嗱,根據我多年嘅睇劇經驗,最令人痛恨嘅角色通常唔係最奸嘅角色,而係最煩膠嘅角色,你一路睇一路就會__:「咩銀人嚟架!煩膠成咁?」

 

(1)《Breaking bad 絕命毒師》 Skyler White

學《西遊記之仙履奇緣》嘅至尊寶話齋:「冇人畀佢更攞命。」先唔講佢個樣同荷里活男星Woody Harrelson一L模一樣,大佬,人哋《權力遊戲》又係神劇,你逼傾啤又係神劇,人哋啲女主角係龍母,你就係一個真係老嘅老母,仲要係由第一集開始已經日日煩L住男主角嘅老母,冇錢又煩,生癌又煩,販毒又煩,有錢又煩,呢個角色永遠佢淨係覺得自己嘅處境好L慘,永遠都唔會體諒人哋,所以如果我係佢老公,都會癲到去販毒都唔定。

係唔係好似呢?

 

(2)《Walking dead 陰屍路》 Andrea

各位,講到第二個煩膠代表,相信大家都會搵到共通點,冇錯,就係一啲都唔靚。所謂唔靚,唔係講緊我哋平時話啲港姐冠軍醜,當我哋話港姐冠軍醜,只係因為我哋認為佢唔靚到足以攞冠軍啫!至於呢個角色有幾煩?佢同阿Shane搞埋都算,仲要喺度同奸角Governor搞埋,佢成銀日以為自己好重要,以為自己係女中豪傑,真係一路睇就一路__,我未試過睇床上戲係咁想飛架我!

 

(3)《13 reasons why漢娜的遺言》 Hannah Baker

通常喺劇入面嘅受害者,觀眾都會畀好多同情佢,但唔豬點解,睇呢套《13 reasons why》我會同情個男主角多過同情個死咗嘅女仔。一路講返個女仔點解會自殺,一路就進入呢個漢娜嘅青春期中二病嘅小世界,13個理由入面,有12個都唔係好成理由嘅,又話咩朋友講自己壞話,又話其他人唔了解自己,係,畀人強姦係好慘,但兜老連咁大個圈,仲要搞埋完全唔關事嘅男主角落水,呢位中二癌病人都真係……

 

(4)《Game Of Thrones 權力遊戲》 Catelyn Stark

每次睇到佢,我就會諗起一個人,冇錯,就係阿姐汪明荃。不過佢比阿姐更討人厭,妒忌心重,對Jon Snow又苛刻,最重要嘅,係佢自以為好銀醒,說服Eddard Stark信Little Finger,搞到老公慘死,又放走Jamie搞到冇晒籌碼救啲女,最後仲叫個仔去人哋度搞婚禮……基本上全家都係畀佢害銀死,但佢去到最後都係搞唔清個現實,所以話,冇嘢比自作聰明更加害人,如果Eddard Stark冇佢呢個老婆,劇情就唔銀會咁發展,而家齊齊喺winterfell打緊邊爐喇!

 

雖然我以上係咁話啲角色點點點,又話佢哋唔靚,但啲演員其實做得好好,佢哋做得唔夠好,一定唔會畀到觀眾呢種感受,所以我喺呢度都要真心向佢哋致敬嘅。

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
在1994年拍攝的電影《阿甘正傳》(Forrest Gump),是無數影迷心目中的經典之作,而 Forrest Gump 在電影中穿著的 OG Cortez ,也因電影的推波助瀾之下,而成為了經典鞋款,這雙紅、白、藍配色的 OG Cortez 亦有「阿 ...
style
Forrest Gump 在《阿甘正傳》穿著過的 Nike Cortez 阿甘鞋,以天價 $57500 美元賣出!
28 Mar 2024