{ SKIP }
文:MenClub 軾條鉄  
POSTED ON 13 Jun 2018
香港雨季漫長,平日返工返學要著皮鞋,就預咗會撞正落雨天、甚至狂風暴雨兼夾水浸。向來水就係皮革的天敵,皮革一濕水,一處理得唔好就變短命種,究竟事前事後應該點幫對鞋做落雨準備呢?

事前篇:

1.定時定侯上鞋油
鞋油本身就係油,小學時老師都有教你,水同油係撈唔埋,所以鞋油有阻隔水份的功能,而鞋油更加有滋潤皮革之用。因此,傳統上教大家護理皮鞋,都一定係教你上鞋油,而雨季期間,最好兩星期上一次做足準備。

2.出街前噴防水噴霧

近年皮鞋與波鞋價格不斷上漲,不少外國品牌有見及此,便為鞋履推出護鞋用具。其中有支防水噴霧,在家中噴定2-3層,便會像鍍膜般隔去雨水,最犀利係,連麂皮都可以用到!

Reshoevn8r 防水噴霧 $168

Reshoevn8r Shoecare Centre
地址:旺角油麻地彌敦道566號地下A3後店(油麻地地鐵站A2出口)

3.幫皮鞋打膠掌

很多時雨水催毀一對皮鞋,都唔係由鞋面,反而係鞋底出事。傳統買來的昂貴皮鞋,大都是皮底鞋掌,未必會事前加上防滑膠掌,以保留古典的皮鞋味。但皮底鞋掌的皮鞋,若遇上接連暴雨,鞋底浸足一日,之後好可能會皮底發霉。為著實際著想,為鞋底打掌,行商場啲雲石路既防滑,落雨著用又有一定程度防水,why not?

事後篇:

1.自己擺乾,切勿用風筒吹
皮鞋遇水後,其實會變得好脆弱,如果強行用風筒吹乾,極速令皮革收水,只對令皮鞋的壽命短好多。所以慢慢擺係屋企通爽嘅位置,等佢自然乾先著。

2.加入鞋楦、報紙吸濕

如果係愛鞋之人,相信屋企都梗有幾對鞋楦(shoe tree)旁身,若果冇的話,民間土法亦都會用報紙放入鞋裡面吸濕。不過話時話,仲有幾多人屋企會有報紙呢?

3.發霉就用洗皮水

若果對鞋經歷漫長的暴雨,一些淺色的色革可能有會水漬,甚至發霉。呢個時侯就要洗皮水抹一抹,或者用酒精輕輕拭擦。至於水漬,最簡單就用同色的鞋油補上去。

4.Second shoe來替換

雨季就來,通常一落就落幾日。在第一對鞋未乾透之前,不妨俾佢休息一日,著第二對去輪流交更,那兩對珍貴的皮鞋相信能穿上十年八載都冇問題。

呢個禮拜幾乎全中環都講緊呢間 The Wise King,即時同你介紹!
watchesandwine
【尋找智者】中環西班牙風Hidden Bar — The Wise King
19 Jul 2018
野餐箱更可以當作小餐桌或收納箱,擺在家中同樣有型!
style
【佬味野餐箱!】靜月 x 集棄場木製品工作坊
19 Jul 2018