{ SKIP }
文:MenClub 小白臉  圖:互聯網
POSTED ON 11 Jul 2018

皮膚嘅每一寸都有機會生暗瘡,除左塊面第二個最經常生暗瘡嘅地方莫過於背脊。夏天想同D囡囡曬下自己嘅人魚線同四十八寸嘅胸肌?但背脊又唔爭氣勁生暗瘡,咁點見人呀。今日就等我教你點可以解決佢地。

背脊同面部生暗瘡嘅原因都類似。油脂分泌過多,平時沖涼又沖唔徹底,皮膚代謝能力差,壓力都有機會導致暗瘡岀現。解決原因又唔好諗到好難,其實改變下生活習慣就可以還背脊一個清白。

《選擇合適嘅清潔用品》

都知你地班麻甩佬,沖涼快過打飛機,成日都忽略背脊嘅清潔,除左用沐浴露之外,身體磨沙都一樣要用。其次夏天就唔好用過度滋潤嘅沐浴露,避免岀現粉刺同暗瘡。夏天用翻清爽D嘅沐浴露唔係仲好咩?

There is no such thing as Monday without coffee! RG @nataliastoroskova

Bean Body Care(@mrbeanbody)分享的貼文 於 張貼

《勤換床單》

唔係滾床單係換床單,夏天好多人都鐘意祼睡,但如果你張床十年都唔換一次,背脊生暗瘡就係你自己攞黎。訓教嘅時候背脊會分泌汗同油脂,令床單同被舖容易滋生蟎蟲同細菌。唔係我大你!唔信你用黑光燈照一照,包你嚇到不要不要。所以夏天就換多幾次床單啦。同樣睡衣同浴巾都記得要換呀。

《排毒》

係中醫角度背脊生暗瘡有機會因為濕熱,濕熱其中一個解決方法就係多做運動排毒,透過出汗排走毒素。咁樣就可以排出積聚係體內嘅濕毒。仲匿埋係屋企日JJ,不如岀一身汗排毒仲好啦。

《沖完涼未抹乾身就着衫》

沖完涼千祈唔好貪快抹兩下就着衫,如果身體未乾又著衫,一來「口翕」住唔舒服,二來件衫亦會焗住皮膚令皮膚容易滋生細菌。今暗瘡生到成個背脊都係。

《同一件衫唔好連續著》

衫同皮膚嘅關係最親密,當你岀完一日街,你污衊之餘衫亦都一樣,充滿灰塵同細菌。如果同一件衫連續著幾日,灰塵同細菌就會痴住係你背脊阻塞毛孔,容易令背部生暗瘡。加上幾日都著同一件都臭啦,都係換左佢啦。

Netflix 影視將合作推Diablo動畫影集? 全球萬千玩家回憶的遊戲大作暗黑破壞神Diablo近日又再傳出新消息。有網絡傳說漫畫發行商Boom! Studios的創始人Andrew Cosby星期三時在Twitter上爆料,Diablo正同緊Netflix ...
hobby
Netflix 影視將合作推Diablo動畫影集?
22 Sep 2018
今年係機動戰士高達,馬沙之反擊動畫嘅30周年紀年,剛喺香港時代廣場展覧完Gundam Dock at Hong Kong III, 同樣亦係以馬反為主題。喺發源地日本當然亦唔會輸蝕啦! 就係東京台場嘅The Gundam Base 哩個高達 ...
hobby
馬反30周年,產品一浪接一浪
22 Sep 2018