{ SKIP }
文:MenClub 小白臉  圖:互聯網
POSTED ON 12 Jul 2018

男士想學護膚第一步,首先認清自己皮膚咩類型。覺得自己護膚係0唔知點樣護膚?第一步緊係要識分自己皮膚類型啦,咁先可以對症下藥。另外亦有人會問,點解做極護膚無變好,仲愈護愈差?原因好簡單就係用左唔啱自己皮膚類型嘅産品,皮膚類型識得分,如花都變熱巴。

皮膚有分幾類型,通常係油性,敏感肌,混合性同中性。

《油性肌》

面部容易岀油,皮脂分泌旺盛,因此導致毛孔阻塞,容易岀現黑頭粉刺同暗瘡。對於油性肌膚護理應該針對清潔,控油同保濕。但稍一不慎,就岀事啦。如果用左含油份過高嘅產品就會阻塞毛孔。因此,係選擇護膚品時一定要注意。建議油性肌每星期做2-3次嘅深層清潔面,配合去角質產品清潔,更加可以深層清潔毛孔,去除多餘油脂。

但你千祈又唔好覺得皮脂分泌旺盛就代表你唔洗保濕喎。因為如果當你皮膚唔夠水份,皮膚就會自動分泌油脂保護皮膚。搞到油上加油。所以油性肌亦要重視保濕,做到水油平均。

《敏感肌》

敏感肌嘅朋友因外界刺激物,環境變化,皮膚無保持足夠嘅水分等因素引起敏感,令皮膚變得又紅又痛又㾗。係選擇護膚品時候亦要更加小心,小心閱讀標籤上嘅成份,最好就選擇一D不含酒精嘅產品,減少皮膚受酒精嘅傷害。

亦應選擇有機、天然嘅護膚品同選擇專門為敏感肌而設嘅產品。不過如果係好嚴重嘅敏感肌,最好都係聽醫生建議,用醫生開比你嘅護膚品,唔好亂用其他産品。

《混合性》

成日都聽到有人話額頭,鼻頭T字位成日岀油但塊面又乾過豆腐乾,呢種膚質就係好多人都會搞錯嘅混合性肌膚。因為面同額頭的油脂分泌量唔同,因此混合性肌膚嘅人可能會有膚色不均嘅情況岀現,同時亦會有乾燥同岀油嘅問題。

建議將面部區分成兩個部位保養,應加強T字位嘅深層清潔,局部磨砂或針對部位的控油、清潔然後再係乾燥地方進行保濕。

《中性肌》

中性肌嘅你,我真係要講聲我真係恭喜你!」。因為中性肌係介於乾性同油性肌之間,係水油比例最平均嘅一個膚質,所以較少會岀現爆油同因水分不足而緊繃乾燥。係贏在起跑線嘅大贏家,但你又唔好咁「招積」住,因為中性肌都會因季節變化或者生理同壓力等因素而產生變化。所以都係按照正常護膚步驟,清潔,去角質同保濕,咁就可以Keep住做人生大贏家啦。

在時裝機能風的世界,很多講求高技術的功能品牌好像Arc'teryx、Patagonia因應軍警界的需求,在研發上都離不開氾深沉色調。但這些品牌走到時尚界時,會否可變出多一點可能性?好像日本時尚百貨店BEAMS於35周年時,就 ...
style
【低調地高調!】Arc'teryx × BEAMS 成熟色系AW2018
25 Sep 2018
據英國權威時尚媒體BoF報道,收購一事極有可能在本週內完成!
style
【VERSACE易主?】美國時裝集團Michael Kors將以20億美元收購
25 Sep 2018