除咗Uber同空中巴士之外，平時造開飛機引擎嘅勞斯萊斯(Rolls-Royce)都打算開發空中的士！勞斯萊斯公布咗一個電動垂直起飛及降落(EVTOL)嘅汽車計劃，呢款車可以載到4至5人，最高時速可達每小時250英里，行駛長遠距離約500英里。呢款飛行車可以作為空中的士之外，仲以用喺載貨及軍事用途上。

勞斯萊斯喺星期日公布公司研發咗一套飛行車專用嘅推進系統，系統以燃氣渦輪技術為6個低噪音電子引擎提供電力，而飛行車機翼可以作90度旋轉，以便飛行車垂直升降。勞斯萊斯嘅EVTOL汽車計劃將會喺16日展開嘅英國法恩堡航空展(Farnborough Airshow)展出，而目前勞斯萊斯正尋求投資夥伴，聯手將產品商業化。

來源︰Engadget