| 中國綜藝節目《中國有嘻哈》除咗爆出一個之前喺香港發展冇人理，依家走咗又突然好多人理嘅「Hip Hop Man」MC Jin之外，吳亦凡喺節目中嘅口頭禪「你有Freestyle嗎？」亦成為兩岸網民最新嘅「梗」。OK我知大家對Hip Hop未必有興趣，對吳亦凡呢啲小白臉亦更加唔會有興趣，但其實呢個節目都曾經有過啲大家應該好有興趣嘅亮點嘅！ | |
| |
| 呢位「安喬」(本名邱蔓綾)本身係台灣綜藝節目《國光幫幫忙》嘅「國光女神」，唔笑嘅冷艷性感、笑嘅時候又活潑可愛，再加上肉肉的健美身材，本身就已經吸引唔少麻甩佬Fans。但原來亮麗外表之下佢仲好鍾意唱歌，會喺自己嘅專頁到直播，後來又再愛上Rap，仲隻身去到中國參加《中國有嘻哈》嘅海選。雖然入唔到複賽，但就更加堅定佢要入樂壇嘅心。 | |
| |
| 佢喺接受台灣傳媒訪問時話自己因為擁有豐胸翹臀，所以初出道時大家嘅注意力都只會放喺佢身材上，甚至參加節目都會版其他男藝人言語上搔擾。佢就話好希望大家可以留意到佢音樂上嘅努力，我就可以好有信心咁同佢講，放心！我哋兩樣都有睇！ | |
| isangelc on Instagram 安喬 - 邱蔓綾 on Facebook | |
