上星期有外國傳媒發現Apple成功申請「Devices and Methods for a Ring Computing Device」專利，於是就推測佢哋有可能推出智能戒指，而睇返「iRing」專利入面，就有唔少類似iPhone嘅影子。近日更加有人整埋預想圖出嚟，指iRing直徑會係20mm，而戒指表面係一個10mm闊嘅touchscreeen，可以顯示時間、影相、錯音、記錄心跳同體溫等數據。主要戴喺食指，然後就用手指公操作，仲可以記低大家寫字嘅動作，然後直接轉換成文字儲存。不過每人手指粗幼都唔同，唔知到時有冇得校大細圈呢？

目前iRing只係大家預想嘅產品，Apple並未有講過會出任何相關產品，而且Apple經常都會申請專利，有時申請完專利都未必會推出產品，所以會唔會真係有iRing，大家拭目以待啦。