| 胰臟癌係香港第六大癌症殺手，而且早期胰臟癌幾乎沒有任何症狀，喺過去5年存活率得5.5%，就連石內卜都係不敵胰臟癌而離世，不過一名美國少年，15歲時已經搵到檢查方法，等大家可以及早防犯。
啱啱19歲嘅Jack Andraka，可以話係英雄出少年，15歲時靠喺Google同維基百科搵資料自學，比較過8000種蛋白質之後，發現間皮素增加同胰臟癌有密切關係，於是就製作納米碳管試紙成功發明出檢查胰臟癌用嘅癌症試紙，呢個發明就連卵巢癌同肺癌都啱用，5分鐘就可以完成檢查。新方法比已經用咗60年嘅傳統測試快168倍之餘，而且成本亦只係2萬6000分之1，令佢可以喺2012年Intel國際科學與工程大獎賽，贏得最高榮譽「The Gordon E. Moore Award」，被稱為現代愛迪生。
|
