| 自從山下智久同石原里美疑似拍《朝5晚9》戲假情真之後，一路傳出佢哋拍拖、同居、結婚嘅傳聞，之前都已經傳過佢哋上年12月會結婚，但結果係流料，令一眾粉絲鬆一口氣。點知最近又有新消息，仲要講到似層層咁話男神女神今年9月真的結婚了！！！ | |
| |
| 其實之前日本傳媒已經頻頻影到山下智久私會石原里美嘅相，仲成日出入石原里美屋企，疑似半同居，所以就算佢哋冇公開承認戀情，大家都覺得9成係一齊咗。加上山下智久所屬嘅Johnnys事務所出名管得嚴都仲可以冇出聲，成件事就等同默認二人嘅情侶關係。 | |
| |
不過近日之所以傳出佢哋嘅婚訊，係因為今年30歲嘅石原里美一邊宣傳新片《忍者之國》嘅同時成日有意無意喺訪問同Twitter上講埋啲語帶相關嘅說話。由於新戲中石原里美飾演人妻，所話提及過自己已經到咗演妻子嘅年紀，要演活呢個角色，自己嘅心境都要同步配合，仲提到如果現實生活中，可以每日為孩子準備便當，咁樣揣摩人妻角色都會更加容易。而日本記者就認為，如果單純為電影宣傳，呢個發言都算相當罕見；而且石原里美仲表示：「20幾歲時一直想全力為夢想努力；而30歲之後，想珍惜重要嘅人。想做嘅私人事有好多，但想做咩工作反而諗唔到。」睇得出佢似乎對演藝圈都冇咩留戀，反而有顆恨嫁的心。 | |
| |
| 而另一方面，Smap嘅三位成員香取慎吾、草彅剛同稲垣吾郎都會喺九月約滿離開，網民就估經紀公司或者會為咗減低外界抨擊而甲山下9月發表結婚消息，去轉移新聞重心。而且山下智久新劇《空中急診英雄3》會喺九月播放，所以大家都認為九月會係最好時機，不過目前一切都係傳媒同網民嘅推斷，未知係真係假，粉絲們可以喊得冇咁激動住，留返少少水分等Confirm時喊埋佢。 |
