本網站正使用 Cookie
我們使用 Cookie 改善網站體驗。 繼續使用我們的網站即表示您同意我們的
Cookie
和
隱私
政策。
/
約會APP上最受歡迎的職業
文:MenClub 魏文青
POSTED ON September 16, 2018 1:30 pm
女人嘅擇擇條件有好多,外貌、身材、學識、性格、大小通通都係,不過大家或者會認同,係現實社會中,你嘅職業可能先係最重要嘅因素。但如果你認為女人眼中只有錢,所以一定揀啲「乜師物師」做伴侶,你又未必啱喎。著名
約炮神器
約會APP「Tinder」近日就公佈咗多個國家嘅用家數據,列出最多人「向右掃」嘅男女職業,或者會幾令你幾驚訝。
Tinder分別公佈咗英、美、法、德、澳,等國嘅用家數據。其中英國中最受歡迎嘅男性職業頭三位為
消防員、老師同室內設計師
,醫生律師會計師呢啲我哋以為好吸引嘅職業全部入唔到頭十名,勉勉強強叫有個「獸醫」排第七,「機師」都排到第九。而美國方面,最受歡迎嘅男士職業頭三位係
室內設計師、機師同醫生助手
(Physician's Assistant),「梗頸四」就有律師,相當黎講就算「正常」。澳洲方面頭三位就係
救護員、小學老師同消防員
,值得一提嘅係木匠排到第四。法國方面果然係文化之都,頭三名
藝術總監、記者、攝影師
全部都係文化界人士,睇黎我都要去法國住返一頭半個月。最後德國嘅頭三位就係
市場營銷經理、創意總監同律師。
雖然歐美各國嘅頭三名中仍然不乏「傳統高尚職業」,但亦有好多係凡人工作(你睇記者呢啲咁「低賤」嘅工都有份喎),證明女士們睇重嘅未必係職業嘅收入。當然,呢個結果亦可能同女士們使用約會APP嘅心態有關,若果佢哋追求嘅只係「如果想開心,為什麼需要等?」嘅輕鬆關係,佢哋著重嘅嘢可能係對方嘅職業是否有趣,外表是否有型(估計亦係大量設計類職業上榜嘅原因),以及床上表現是否令人滿意(消防員喎…)。換句話講,女性們其實都係尋開心架咋。
另一邊廂,最受男性歡迎嘅女性職業就出現咗一個幾有趣嘅現象,就係大家喺AV會見到嘅職業,似乎都非常吃香,「護士」成為美國第一名、法國、澳洲第三名,英國第四受歡迎嘅女性職業;而空姐就成功打入除咗法國之外所有國家嘅頭十名,喺德國仲係排第一添,似乎證明全世界男人都對呢啲職業有所偏好!不過究竟係因為男人偏好呢啲職業,所以先有咁多AV以佢哋為題材;定係因為睇得多AV,男人先鍾意呢啲職業,就真係不得而知啦。
Dailymail
COMMENT
< PREVIOUS
平成年代最後的奇蹟 可愛日本妹妹「十味」
2018-09-15
NEXT >
超可愛「縮小柯南扭蛋」第三彈登場!
2018-09-17
SOMETHING NEW
19 Apr 2024
GIRLS
【深夜】紋身解禁 韓系日本辣妹「PyunA」
日本係一個對紋身相當敏感嘅國家,就算你係外國人,就係你唔係「雕龍雕鳳」,都好可能因為紋身而被禁止出入大眾溫泉,更惶論藝人於大眾媒體中露出紋身。不過近年日本對於紋身嘅睇法似乎略有鬆動,例如K-1格鬥上月終 ...
READ MORE
17 Apr 2024
GIRLS
【深夜】日本王道MK妹!人生進程超快嘅「小田愛実」
近年潮流興「Y2K」(當我都拎黎講嘅時候,個潮流好可能就黎過),大家應該都見到唔少依家十八廿二嘅少女、著住我哋十八廿二時候風格嘅衫粗略地講,即係「MK妹」!但「MK妹」其實不限於打扮,其實仲描述緊當年某部份 ...
READ MORE