現年27歲嘅「二瓶有加」,18歲時曾先後參加Morning娘及AKB48嘅徵選,但前者落榜,後者就只能成為「仮研究生」,見入行無望於是佢就去咗讀大學。但大學即將畢業時,都係覺得自己想入娛樂圈,所以再次參加徵選,並以跳舞組台「PINK CRES.」出道,直到2021年退團。
但要數到佢嘅代表作,就一定係今年5月時佢登上日本搞笑藝人「佐久間宣行」嘅YouTube「佐久間宣行のNOBROCK TV」,挑戰「含奶忍笑」環節。結果佢就被搞笑組合「どぶろっく」嘅低級笑話頻頻逗笑,影片更突破千萬次觀看,成為頻道最多觀看嘅影片,亦令其人氣大升。
|