文:MenClub 魏文青  
POSTED ON February 01, 2017 11:00 pm
是咁的,喺尋晚大年初四,大家準備早少少瞓、第二日年初五咁嘅樣返工逗利是嘅晚上,MenClub Facebook收到一位讀者嘅Inbox訊息,入面咩都冇,就係幾張圖,但就已經令到閱女無數嘅文青食唔安、瞓唔落、心亂如麻、心事難下!而嗰幾張圖,係咁嘅!

我咁大個仔,都未試過對一孖黑色嘅交叉咁有興趣。有興趣到我成晚就喺到搵呢幾張圖嘅出處。事實上係唔難搵嘅,因為啲相有老蓮咁大個水印,一睇就知係中國網站嘅出品。講起中國啲所謂「美女寫真」,特色就係「假」!無論係個model本身抑或係啲相嘅後期都係假到好似「New Barlun」咁假。但呢位「Lucy」都算係當中嘅清泉,執就肯定有執過,但起碼都仲係個靚女,法官大人我冇咩問題架啦!除咗一個…

就係呢位「Lucy」究竟係咩人呢?通常呢啲Model都會有個微博,國際化啲嘅仲會有IG、Facebook,理論上你搵到就會知道佢係咩人、影過咩其他相。但呢個Lucy我搵咗成晚咩都搵唔到,就好似佢突然出現影咗呢輯相,然後從此消失得無影無縱。我甚至連個大陸網出、喺Google Play Store都搵唔到嘅APP都Download埋落黎睇(可想而知我決心有幾堅決),但結果都係得個吉。目前唯一可以肯定嘅就係網上對佢嘅描述,咩「90後嫩模」、「國際模特大賽」都係假嘅,因為同一段嘢我見過用黎描述N個女仔。

換言之,搞咗成晚、一地紙巾(捱夜的淚水),結果我都係唔知呢個「Lucy」究竟係邊個「Lucy」,亦搵唔到佢除咗上面呢40張相以外嘅其他作品。或者我哋真係接受,有啲緣份,就好似一條交叉線咁,觸碰過,就冇下次啦!

17 Jan 2018
GIRLS
竟然係花倫同學?汪東城戀上藤井Lena
順手重溫下當年嘅藤井Lena嘅靚相!