可能有唔少人都想上下坐直升機去旅行,但你又有冇諗過可以直頭住入架直升機——仲要係蘇格蘭皇家海軍退役嘅搜尋機「Sea King ZA127」入面呢?依家只需千零蚊就做到啦!
卻說蘇格蘭人Martyn Steedman喺2016年嘅一個軍方拍賣發現到呢架Sea King ZA127,本住唔想哂嘢嘅精神,佢用7000鎊將佢買咗落黎,再將佢運到去320里外嘅一個營地,再花自己嘅錢同時間將其外表修復,而內裏就改建成一個可以住到兩個大人三個細路嘅旅館。入面保留咗駕駛席前嘅儀表板及頭頂上面嘅控制鍵,其餘嘅儀器都被拆除。本身放聲納探測器嘅位因為咁啱有個窿,所以改建埋做廁所添!