Lamar Odom喺NBA征戰期間曾經效力湖人,係湖人2009及2010年成為兩連冠嘅功臣之一,2011年佢亦曾經為湖人奪得過最佳第六人獎項,被譽為「左手魔術手」嘅Odom可以話係NBA歷史上最出色嘅組織型前鋒之一。可惜嘅係,離開湖人後嘅Odom開始沉淪,甚至差一點就斷送生命。不過死神並無將Odom帶走,佢成功逃離鬼門關,如今生活慢慢回復正常,而佢亦希望不久將來可以以湖人球員身份退役。