文:MenClub 魏文青 圖:互聯網 POSTED ON December 04, 2014 2:05 pm
當TVB啲電視劇情節越黎越低B,外國嘅電易就越黎越深。先唔好講近期《Interstellar》又次元又蟲洞又黑洞又重力又時間呢樣嗰樣又盛,搞到班港女一路睇一路做小丸子「問題天天都多Be le ba la be」,就連啲英雄電影都已經唔再係打打殺殺爆炸飛車咁簡單!如果想挑戰自己理解能力,或者忍耐能力(如果你諗住同女睇),以下呢套《Predestination》就真係唔可以錯過!
《Predestination》改編自美國科幻小說作家Robert Heinlein的短篇小說《All You Zombies (直釋:你們這些喪屍)》。基本上就係講一個人自己搞大自己個肚,然後被自己拋棄,跟住生咗自己,再被自己偷咗自己,然後由自己帶領自己去過去搵返自己…嘅故事。我知你依家一定係到鬧鬼我唔知講乜春!因為《All You Zombies》其實是一個時空悖論的故事!