{ SKIP }
文:MenClub 波特先生  圖:MenClub
POSTED ON 12 Apr 2018

喺運動世界入面,大部份項目都係由男性主導,好似網球入面就算威廉絲姊妹幾強,都係無好似費達拿、拿度等人咁受重視,連帶獎金都無男子球員咁多。而就算唔係運動員,作為一名女教練都好似難以受到公平嘅對待,而好似香港嘅足球教練「牛丸」、馬刺女助教Becky Hammon可能係例外,更多嘅係男子運動員都偏向唔會搵女教練。而今次我地訪問嘅對象係女子田徑教練Lily Lee,就等我地去了解下呢一位年輕又靚女嘅教練啦!

Lily除左本身係一名田徑教練之外,由於佢大學時期係修讀體育,所以有機會接觸到體育記者呢個行業,再憑住其出色嘅外貌及口才,令佢獲得喺Now Sports做體育主持嘅機會。
而今年全港學界田徑比賽較以往更受關注,Lily就有幸負責呢個賽事嘅直播,對此佢非常開心。講到喺呢次直播入面最深刻嘅一件事,Lily就表示係德望女子B Grade 4x100偷步事件。「我記得決賽個日,最後女子B Grade 4x100,德望嘅第一棒偷步,佢當時都未肯定自己係咪偷步,但當見到裁判比紅牌佢嘅時候,佢就知自己被直接DQ。個一刻我見佢非常失望,我知道佢心入面一定好難受,而由於當時佢地仲有A Grade未跑,咁樣會有機會影響到佢地之後嘅發揮會好緊張。我個時候覺得,雖然我唔係參與其中嘅運動員,但我就感覺到個氣氛係有幾緊張!」
講到女教練呢個話題,Lily亦同我地分享左佢嘅個人經驗及經歷,說明做女教練都真係一啲都唔容易!「喺教學上黎講,其實我教男學生或女學生分別都唔大,但反而有時候唔係做開運動嘅人,會有一種好似刻板主義嘅目光。其中一個例子係,有一次我試過幫一個會教班,當時有三個教練,其中一個係我,另外兩個係男教練。負責人在簡介嘅時候同我講,等陣佢地學員嘅程度可能比較參差,所以希望我呢位女教練去教一啲能力比較差嘅及教比較容易嘅動作,而另外兩位男教練就教一啲難度較高嘅動作。第一次聽到我會有少少唔開心,但可能係講者無心,聽者有意。但相隔10分鐘之後,職員又再講同一番說話一次,我當時嘅感覺真係非常唔好受。」
其實作為女教練,有時候甚至要比男教練更好,其中Lily就指女教練比男教練多出一份細心,往往能夠留意學生心情上嘅變化,而女學生則更加只願意向女教練提出有關身體變化上嘅問題,呢一點亦都係男教練難以做到嘅地方。
雖然做教練有唔開心嘅時候,但係Lily亦都同我地分享左一件趣事,就係由於佢有時候要做主持嘅關係,所以通常都會化妝的,但有一次完成主持工作後佢又要去教班,但中間唔夠時間落妝,最終去到授課地點時,竟然被誤會係黎做化妝導師呢!
而黎緊Lily受奧比斯邀請將會參加「奧比斯跑向光明慈善跑2018」嘅3K,曾經斷過前十字韌帶嘅佢直言自己已經好耐無參加過長跑比賽。由於賽事係夜跑模式,所以有別於傳統喺朝早舉辦嘅跑步比賽。作為參加者之一嘅Lily亦都提醒參加者要小心注意路面情況,因為比賽時候會有好多人,路亦都可能會有啲彎位,所以要好很小心一啲前面嘅路面情況,隨時可能會有障礙物或急彎你睇唔清楚會有麻煩。
喺參加比賽前,熱身絕對係非常重要嘅一環,但係究竟點樣先叫正確嘅熱身呢?會唔會你其實一路都做錯緊呢?「熱身黎講我地會有三部份,首先係慢跑,因為咁樣主要係令你血液循環加快,令啲血加快進入肌肉及提升身體溫度。第二部份先會做一啲靜態拉筋及伸展,從而增加肌肉柔韌性嘅幅度,令做某啲動作嘅時候無咁易拉傷。第三部份就會做動態伸展及熱身,主要係針對你專門嘅運動,唔同運動會有專項嘅動態熱身,做呢啲動態熱身可以提升你練習及比賽時嘅表現。」
聽完Lily教練嘅介紹,下次做運動前唔好一黎就拉筋啦,咁樣其實反而會更容易拉傷架!
問到當年「溫拿」會不會爭女?陳友導演說:「通常都不會的——因為女生全都跑去阿倫阿B那邊(笑),只有些漏網之魚過來,『四眼仔你沒在忙吧?』、『沒呀沒呀怎樣了』這種,所以很和平,不用爭,不能爭。」 ... ...
people
兄弟班 - 陳友、陳家樂、林耀聲、吳鶴軒、王梓軒、鄧加樂
21 Jun 2018
「男生其實也是一樣,我不會覺得是他要賺很多錢還是怎樣,其實都是看大家怎樣面對問題。因為一個家庭一定會有很多問題,小朋友怎樣養怎樣教,或者家中長輩突然發生什麼事的時候怎去處理、應對,真的要大家的心遲到成 ...
people
成家的條件 - 余香凝 Jennifer Yu
15 Jun 2018