{ SKIP }
文:MenClub Raphael  圖:MenClub
POSTED ON 04 Oct 2016

「來吧做個知道你著幾號衫或幾號鞋的知己」 每次聽見恭碩良的名字,腦海中便有幾句歌詞,幾句Punchline樂韻油然而生,狂野之餘帶點真摯的感傷。喜歡Jun的歌迷,定會明白他那獨特的魔力、還有對音樂的擇善固執。堅持「玩」音樂,Jun就是一個能貫徹這簡單哲學的音樂人,在我看來,還真是型到核爆。

Jun將於本月舉辦《Just A Concert》演唱會,Jun的歌迷相信早就在社交網站上向他提出無數要求。無論你愛聽《你著幾號鞋》、《我在機場等船》,還是《Here to Stay》,只要買票入場,定可欣賞夠本,畢竟Jun自言出碟數量少,能唱的歌目均會全數演出,叫大家不必擔心。舞台上的Jun與一般流行歌手的感覺截然不同,我不是說誰與誰有高低之別,而是站於觀眾、聽眾的立場,Jun確實做出了自己流派,把整場演出重新歸還給音樂與音樂人。

「我諗嚟睇我Concert嘅人會見到一班真係好好嘅Musician喺台度,喺度玩佢地自己最精個樂器囉。其實有好多人嚟睇我個 show,都有好多人嚟嗰啲Musician架。咦? 阿Jun今次會用咩Musician呢、今次會係點呢?」 對Jun來說,演唱會、音樂會是一群音樂人的共同演出,只是自己剛好是寫歌和主唱的角色;除了自己以外,舞台上的著眼點還有很多。

「其實有好多時,每個Artist去做演唱會嘅時候,佢就會Focus喺自己想Focus嘅嘢。台呀、燈呀、聲呀、服裝呀,Blah Blah Blah;咁可能我而家Offer緊一個音樂人啲嘅Performance,Which我覺得香港都唔係話太多。咁我一路嘅宗旨都係,永遠都搵一啲勁過你嘅Musician,咁就顯示得我自己都好勁啦,呢個就係最終嘅Technique。」 Jun向MenClub獨家披露的心得。

香港很多歌手開Show都愛玩Concept,要玩各式各樣的主題,弄得好像有聲有色,很有Gimmick的樣子。反觀Jun的演唱會,還真是夠膽死無Concept,更起了一個《Just A Concert》的串嘴名字,但細心回想,原來「無主題」正是最吸引的地方。如果看演唱會時,表演者把主題歸還於音樂本身,那該是一件多麼美好的事。我們入場只有一個目的 : 全心全意的享受音樂,不會分神期待舞台上方會有Phantom突然飛躍而下。

「無主題」不代表Jun沒有做足準備功夫,凡事認真的他為了《Just A Concert》當然不敢怠慢 : 「去做運動、減肥嗰啲一定要架啦 ! 但又唔會太刻意去做,我覺得係整個暑假,我Concert係10月20號,我6月開始已經做緊好多,而家會叫做Pop-up Gig,即場地容許我玩半個鐘,我就會同隊Band走去執劑半個鐘嘅set囉。通常半個鐘就係個半鐘,講就講半個鐘。跟住會有好多時去啲朋友嘅Livehouse,可能啲人食食吓飯,就插枝木結他上去玩一Set咁樣,咁當娛樂到觀眾,我亦都可以練吓歌咁。」不知道大家有否遇過Jun的 Pop-up Gig呢?

還是那句老套說話,你認識Jun的話自然知會佢搞乜,自然會知道應該期待甚麼;如果你是初次接觸恭碩良的樂迷,也應當向你們說聲恭喜,《Just A Concert》很大程度上是為你們而設的。「策劃一個Show嘅時候,其實我會諗,我會諗一啲如果係第一次嚟睇我嘅人。佢地會Expect啲咩呢,佢地無乜Expectation架嘛,因為第一次嚟睇我,我反而個Focus會擺喺佢地度囉。如果睇過我演唱會嘅人,你都知道Expect啲乜架,即係嗰啲,我都會有啲位係諗起你架。」

「但係我最想Focus On一啲未睇過我Show嘅人,因為都係因為佢啲Friend同佢講,可能佢個Friend睇過我嘅Show;喂你嚟睇阿Jun,咁OK,我反而個Focus會喺嗰樣嘢。咁對住睇過我Show嘅人,咁我已經喺互聯網問過佢地想聽咩歌。其實我都係出得6隻碟,唔係太多歌,大部份啲人都係會點哂會唱嘅歌囉。」

Jun話玩音樂有點像開餐廳,很著重分享一環。如果你認為一間餐廳好食,自然會推介給身邊的朋友,著他們來一試究竟;其實音樂也是同樣道理,如果你聽完恭碩良,感受到這個澳門鼓佬、音樂人的魅力,你也會推介給一些有taste的朋友,著他們來共同分享。說到底《Just A Concert》就是玩這麼一回事,貪新戀舊,新舊樂迷也照顧周到。


TEXT : Raphael @ MenClub
PHOTO : Sam @ MenClub
VIDEO : Vincent @ MenClub、Nam @ MenClub、Dave @ MenClub
STYLING : Hazelnut @ MenClub
LOCATION : Rock Empire


愛笑的女生難找嗎?觀乎香港狹窄急促的生活環境、爭先恐後的生活態度,就算再愛笑的女生,笑不出也是人之常情。正因為如此,天生就是一副笑顏的女生就很值得大家留意,例如擁有一對「腰果眼」的Jessica簡淑兒。加上 ...
people
[情人節氣魄更壯] 愛笑的女生 - Jessica Kan 簡淑兒
13 Feb 2017
闊別30年,《小男人週記》再會大家,不一樣的小男人梁寬,與一如既往的好男人鄭丹瑞,細訴30年來,香港男人的轉變。
people
【情人節氣魄更壯】小男人.好男人——鄭丹瑞
01 Feb 2017