{ SKIP }
文:MenClub Mean娜  圖:MenClub
POSTED ON 28 Oct 2016

槍林彈雨嘅世界充滿住男人嘅浪漫,雖然危險,卻又有種刺激嘅快感,牽動住男人神經;聽住槍火聲音,總會令男人有種莫名嘅亢奮感覺。唔少男士對槍械有種獨特嘅情意結,睇戲特別喜歡睇警匪、間諜、暗殺、戰爭等等劇情,正正係因為憧憬戲中揸住枝槍嘅男人。但喺電影背後,槍火嘅世界到底係點?要成為一個配得起手槍嘅男人,又需要具備咩條件?


《湄公河行動》雖然只係一部改編電影,大家都知戲中道具絕不會是真槍實彈,但為了更逼真呈現2011年金三角中國船員遇襲嘅「湄公河慘案」,演員彭于晏及張涵予都需要參與極嚴格嘅體能及各式技術訓練,以訴說輯毒精英為破解中國商船船員遇難所隱藏嘅陰謀,而展開一連串揪出運毒案件幕後黑手嘅故事。



雖然早在拍攝《長城》時,彭于晏與張涵予已經有過合作機會,但當時對手戲份不多,未能深入認識對方,互相切磋。而今次《湄公河行動》中,張涵予飾演特別行動小組隊長,而彭于晏作為戲中嘅緝毒情報員,兩人嘅對手戲亦多了許多,正正係一個好好了解對方嘅好機會。


問到是次合作,雙方對彼此有咩感覺?彭于晏就笑住回答︰「我有很好的感覺!」佢形容張涵予出乎意料地,係一個同外表不大相符嘅男人。「他是一個鐵漢柔情的人,比如說他非常愛護動物,然後很愛家的一個男人。」  而張涵予作為前輩,就形容彭于晏係一位好陽光、充滿渴望嘅年輕人︰「Eddie很陽光,我覺得他是很有追求的年輕人,追求的是一條可以走得很長、充滿歷練的演員路。一句台詞,他會反覆去揣摩不同感覺,去令角色更對味。很多與他同年紀的男生都不會去練,只要自己臉、打扮好看就行。」







雖然大家拍戲時和樂融融,但是次拍攝《湄公河行動》卻毫不輕鬆。由於電影中有不少槍戰畫面,加上角色設定關係,彭于晏與張涵予都需要接受艱辛訓練,以演繹緝毒警察的身份。務求效果更真實,劇組特別請來泰王保鏢訓練演員各種動作,包括射擊、近身格斗等等。彭于晏更說︰「拍攝之前當然希望我們每個演員會做基本了解,因為我之前沒有拍過這類型電影,所以要去了解怎麼開槍,還有一些戰術。戲中我們用到很多小隊,要知道怎麼攻佔跟追捕,以及打擊罪犯。」除此以外,彭于晏更要學會易容術,以及學習緬語泰語,還要接受與緝毒犬相處的特訓。






至於演戲經驗豐富嘅
張涵予則坦言,《湄公河行動》「是用生命在演戲,每一場戲都印象深刻」嘅電影,可能因為年紀關係,張涵予認為拍攝最困難始終係身體上嘅負荷︰首先要負重奔跑,還要一邊奔跑一邊開槍、摔倒、呼喊等等。當地的天氣非常熱,大概每天都40度左右,要背著5、60斤重的裝備,鞋呀、槍呀都很沉。還有一點就是,有很多近身格鬥,這是之前我很不拿手的。」





聽畢兩位專業演員咁講,男士們對「揸住槍去打仗」仲充滿幻想嗎?(笑)


Video︰Dave、Jo@MenClub
Photo︰Ricky@MenClub


十九年前的《寵物情緣》好看吧?十九年後古仔跟寵物合作,這次不是狗而是貓,而且一樣大賣溫情,你又會不會入場支持?
people
再續寵物情緣? - 古天樂、犀犀利
10 Jul 2017
哭並不丟臉;自私並不可恥,何必為了滿足別人而迫使自己強作開朗?
people
給陽光小姐一點陰霾——糖妹
10 Jul 2017