不少名人年紀少少已邊讀書，邊搵錢幫補家計。近期在紐約，有一名9歲兒童Cory，為想賺錢買車送畀媽咪，決定開檔賣曲奇、朱古力熱飲同檸檬汁。

Cory與28歲的母親原本住在紐約，後來搬到新澤西洲Englewood，有感每日返學路程遠，希望買一部車畀媽咪。所以，開始在屋企門口售賣熱朱古力，後來再加入檸檬汁及自家製曲奇餅。每塊賣$1美元，翻查Mr. Cory’s曲奇網頁發現，現時約有近10款曲奇品種，夏威夷果仁、提子、白朱古力、黑朱古力等等。

平日在空閒時間，會拉住小型板車在街上兜售曲奇餅，曲奇餅以玻璃樽或紙 袋裝住，幾有懷舊味道。

Cory年紀少少當上揸FIT人、CEO、大老闆的事跡被廣泛報道，固然與其生性孝順有關，更令人注目的是，這10歲小CEO打扮相當有品味，出街見人例必戴番副靚眼鏡，又識得去Zara、Ralph Lauren、TOPSHOP同J.Crew買衫，諗來諗去，屋企冇乜理由買唔起車，唔通Cory想買部法拉利458 Speciale畀佢老媽子？

一句到尾：耐人尋味。

Mr. Coey’s 網址：http://www.mrcoryscookies.com/

Mr. Coey’s facebook：https://www.facebook.com/Mr.Corys