{ SKIP }
文:傑克  圖:互聯網
POSTED ON 09 Aug 2017

發達,人人都想,但有幾多人真正做得到?又有幾多人真正向著這個目標邁進?大部份人都與發達相距十萬八千里,原因好簡單,他們都沒有認真想過,發達後實際上對日常生活帶來甚麼好處呢?人要有清晰目標,才有動力去追夢,就給你一些發達的理由吧!




住邊都得
樓價飛升多年,即使目前手執四五百萬,想住市區嗎?一二百呎都選擇有限!想住大少少?梅窩可能仲有得揀。但是發達之後,你想住方便的市區樓又得,想要寧靜的半山區又得,想住複式加私人泳池都仲得!

再見公交
個個都搭地鐵,個個都想搭地鐵咩?唔想成世人迫地鐵捱故障、唔想成世人迫巴士捱塞車、唔想成世人坐亡命van嚇餐死,就要快點快達喇,日日搭的士/Uber,或者請個司機,享受愉快的運輸服務。




私人飛機
去旅行係每個人都喜歡做的事,但強如世界富豪,要周遊列國都避不開坐飛機,不過人家是坐私人飛機,嘆靚酒瞓大床,平凡蟻民如你我,就要搶平機票、屈坐經濟倉,坐長途機就更加攞命!媽呀!我要發達!

坐VIP位
買波飛、演唱會飛,最憎見到一排排黑色座位俾人預留晒,就算排三晚宵都買不到最靚位。皆因主辦單位預留了最靚飛俾尊貴的客戶,你想坐的話,發了達成為了大客,想坐邊都得啦。

冠名贊助
發財當然要立品,出錢起幢醫學大樓,返山區興建學校、修橋補路,再用自己名字來命名,就算是沽名釣譽,也叫做福世人。



唱上電視
同樣道理,發達後梗要撈個總理來做,在慈善星輝百萬籌款夜裏,和自己喜愛的歌手明星,上到台前合唱一曲,有八百萬香港人做你聽眾,完全滿足虛榮心。

私人勝地
如果不喜歡拋頭露面,不欲被世人或朋友知道自己已成億萬富豪,也不緊要,世界上有一種富豪叫隱形富豪,使點錢買個太平洋小島避世,享受最後一片人間樂土吧。

做回自己
計我話,發達最最最大的好處,就是不用再為錢打工,大家可以隨心所欲做自己喜歡的事,所以,由今天起,就為以上目標,發奮搵錢!加油!努力!




今時今日,要突圍而出,殺出血路,創意是極為重要。但創意呢家野,好大程度係天生,有些人天生創意澎湃,無時無刻都有新諗頭,贏在起跑線。不過人生乃長途賽,出閘慢都未必一定輸,其實有好多成功人士都唔係天生聰明 ...
powerandmoney
增強創意有妙法
20 Oct 2017
人人都想取悅上司,但如果太著跡,不但受到同事杯葛,上司都睇得出你太做作,所以,要無聲無色取悅上司,才能做到擦鞋於無形。
powerandmoney
不著痕跡的擦鞋招數
18 Oct 2017