{ SKIP }
文:傑克  圖:互聯網
POSTED ON 29 Aug 2017
有否發覺,每到月尾,銀包總是空空的,櫃員機螢光幕總是顯示三位數字?請問我的錢花了在哪裏?我是購物狂?需要看醫生嗎?不必擔心,可能是商家成功捕足到你的消費模式與心理,令你不知不覺墮入消費陷阱!


斬件式購物

最容易引到你落水的,肯定是分斯付款的購物方式,明知商品昂貴,動輒要三五萬元,但原來攤分四年免息分期俾錢,每月只需一千幾百,夠俾有餘啦!結果買下一件買下又一件,錢就不翼而飛了!


會員制消費

很多食肆、咖啡店、零食店等都設立會員制,鼓勵顧客多買益善,少買無拘,買得多就慳得多,而作為會員,眼見儲分如此著數,惟有密密買密密儲,但分就儲了,錢就儲不到。


人買我又買

第一件九折、第二件八件、第三件六件,結果,明明無需要買的貨品,因為買多幾件有折扣,咁不如和朋友一起買左先算。咁抵唔係唔買掛?但買完就發覺得物無所用,而金錢就失去了。


購物慶中秋

就快到中秋節,買月餅送禮自用應節,實在無可厚非。但商家唔係傻,難得各大小節日是賺錢良機,情人節、母親節、聖誕節……過時過節唔劏水魚更待何時?精明的消費者可提早揀選禮物,或者講明節前節後送禮,有錢不如和愛人一起花,好過俾商家劏吧!


唔買就錯過

商家最偉大的發明,「限量」一定穩入三甲。任何品牌推出限量版,例必引起搶購潮,而商家同時可將價格標得高高在上,唔驚滯銷。「限量」一詞實在太矜貴,就連大減價都加「只限三日」來吸引顧客,今日唔買,明天買唔到喇!


減價的誘惑

而其實大減價本身已是一個消費陷阱,平日不愛購物的人,面對大減價的誘惑,都會心郁郁覺得咁平,不如去睇下有咩好買,實質係無必要的消費。另外,超級市場、百貨公司的各種優惠,如買一送一、買A送B、買大包平過買細包等,都是在引發你潛藏內心的購物欲呢。

買大要買細

汽車是買大要買細的最佳例子,因為買左架車,就會引發到你為這架車粉飾一番,加強汽車功能、粉飾車內布置、定時更新零件等,就好像買了手提電話,就會想買手機套、電話繩、保護貼等等。










以上的騙徒手法其實只要稍加留神,應該唔難避開,但有些正當公司即使並非騙徒,其公司文化、前景等也一塌糊塗,不值得浪費時間去做,這些工作有時候從面試過程也略知一二,屆時就要格外留神。 ...
powerandmoney
小心求職陷阱
20 Nov 2017
我們與甚麼人做朋友,就會有甚麼樣的生活,若果能夠和以下五種人做到好朋友,無論生活有什麼困難苦楚,都迎刃而解!
powerandmoney
【近朱者赤】必須要交的五種朋友
14 Nov 2017