{ SKIP }
文:傑克  圖:互聯網
POSTED ON 26 Sep 2017
結婚,除了雙方要夠愛,仲要夠錢。家陣百物騰貴,樓價高企,先不談婚後組織家庭的開支,單單影婚紗相、擺酒、度蜜月,都未計租樓買樓,真係無幾十個都唔使旨意落樓,難怪一講起結婚,男男女女都覺得相當苦惱。之但係,大家應該放眼於未來,結婚的使費,婚後一定賺得番,甚至賺凸,皆因婚後原來有助賺錢架!



拍拖開支大

先講支出,拖友一般都不是一齊住,只有放工及假期相約見面,行街睇戲食飯找節目是少不免,這些娛樂費都唔野少。但婚後大家一起住,可以選擇在家中煮飯仔,夠溫馨之餘又省回外出晚飯費用,飯後舒舒服服躺在梳化看電視,或是返房享受溫柔鄉,既可維持親密關係,又不用煩惱搵節目,更省回大筆娛樂費。


而且,男性都是花心動物,未結婚代表未定性,遇上其他可愛女孩,又會心思思想約會對方,追女仔可是十分花錢的活動啊。與此同時,作為女朋友都希望男朋友取悅自己,希望對方間中送下禮物仔,過時過節更加要互送贈禮物及出外慶祝,樣樣都係錢。

但婚後卻是另一個世界,男仔肯結婚,代表他願意安定下來,不會隨意約會女仔(賤男另計),女方也不再著意節日禮物,寧願丈夫多儲錢,準備為將來生兒育女作打算。


婚後努力做

至於講到賺錢,婚後的男性毋須再尋找伴侶,可以心無旁鶩、專心一致在事業上打拼,為了將來兩小口子組織家庭而努力,肯拼搏自不然成功機會都會增加,升職加薪指日可待。而作為妻子,亦會體諒丈夫為將來有更好生活而努力打拼,即使少了見面時間,也不會胡亂撒嬌,丈夫就可無後顧之憂地工作。但若是女朋友的話,通常會埋怨男人只顧做野,忽略了她,令男人無法專心。


在公司的角度想,也傾向聘請有家室的員工,因為他們多數想要一份穩定的工作,以維持家庭開支,在裁員的時候也會考慮到這類員工上有高堂下有妻房,或會留一手,而選擇對一些單身員工開刀,而且肯結婚的人都是肯負責任的人,做事也較有交帶,較受上司重用。
原來怕老婆會發達,都不無道理架!





各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023