{ SKIP }
文:傑克  
POSTED ON 28 Sep 2017
機會是要自己把握的,錯!機會是自己創造的,才對!每年等公司加雞碎咁多人工,倒不如大膽一點,主動要求公司提升待遇吧!當然唔係踢門入房和上司講數就成事啦,事前必須要做好部署,有本錢才有得傾。



工作超晒標

要爭取加薪,最最最基本要做到的,就是將份內事做好,仲要係超乎上司想像預期的好。因為做得好做得妥當,只是合乎你目前薪酬所要求的事,要多走一步,多做一點,多想一下,妥當到連上司都覺得驚訝,連上司都沒想過可以這樣做,這才物超所值,值得加你人工。


凡事都挑戰

份內事做到超標,都只是份內的事,未必打動到上司。所以,要勇於接受新嘗試新挑戰,不論是開發新項目,或主動協助其他部門同事也好,主動爭取做更多(大前題是不會影響份內事),就算未必完全勝任,但積極和投入的工作態度,是每位上司都樂意見到的事,有人工加都第一個想起你。


唔可以冇左你

不怕蝕底做好非份內事,代表你會對公司很多崗位及工作都非常熟悉,藉此可以提升自己在公司的影響力,慢慢成為公司不可或缺的一員。屆時,你就真係手握了主導權,因為公司一旦失去你,就算未至於業績大倒退兼執笠,但都會造成一定程度的麻煩,上司為了留人,必定非常樂意加薪留人。至於想測試下自己在公司的影響力,可嘗試請一個悠長假期,如果公司運作一切正常,所有同事都沒有因為你不在而覺得不便,那就千萬別胡亂提出加薪要求!
 



留意大環境

有了本錢,也要睇時機。如果身處行業正值寒冬,公司備受壓力,想加你人工都無能為力吧,這時先要忍辱負重,等公司業績轉好才出手。另外,也要留意身處的行業與職位,在市場上是甚麼價值,如果本身都已經屬打工皇帝,人工比市價高得多,就要知足啦。


黃雀在後

既然夠膽向公司提出加薪,相信你都是個有衝勁、有目標、有大志的人,在市場上應該有不俗的價值,不妨在外頭先搵定後路,萬一公司不答允加薪要求,也可以跳part草裙舞,離開謀求更好前途與待遇。


一般員工未必夠膽地公司提出加薪,你自問有能力,有價值,不妨大膽爭取,有遠見的上司,一定知道人才是公司重要資產,只要要求合理,真係會成事架!





各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023