{ SKIP }
文:傑克  圖:互聯網
POSTED ON 29 Sep 2017
發達,兩個字,一賺一慳,識得開源與節流,發達就係咁簡單。開源,包括工作、兼職、投資,咁節流呢?就是要戒掉以下五種燒錢行為,相信梗有一款有你份!


追求異性

通常都是男追女的活動,確是相當燒錢的。與女方約會,斷估唔會下下食麥記,去間似樣的餐廳,再睇番場戲,作為有風度的男士,相信會負起所有使費,二人消費一人負責,一晚輕則五舊,重則一千。如果經常邀約不同的女孩子,絕對是一筆大數目。所以,做個專一男,發展一段穩定關係,雖然拍拖都要錢,但一定比起追女仔少得多。


收藏物品

除了錢之外,收藏任何東西都需要花費大量資金,常見的包括模型、超合金、古玩、名畫、郵票、波鞋、毛公仔、漫畫、火機、CD、衫褲等,各式各樣,但都是浪費!浪費在於,每當有新產品推出,就要花錢購買,但通常買了是用來擺,開個迷你倉(又係要錢),間中欣賞一下。幸好,有些物品經過時間洗禮,如超合金、名畫、郵票等,是有機會升值,收藏變成投資,但大前題是要捨得賣掉,否則講多無謂。



追潮流/科技

收藏物品有機會越儲越有味道越值錢,但追逐潮流與科技產品,就真的和扔錢落海分別不大。潮流不斷再轉,要緊貼潮流尖端,就要經常棄舊迎新,但當這一轉潮流過了,這些潮流產物的價值就急速下跌。科技產品也一樣,看看iPhone已發展至X代,追新機都追到窮。


賭馬賭波

相信大家都認同賭博是非常浪費金錢吧。除非是賭神,逢賭必勝,否則賭錢只會傷盡家財,一旦上了癮仲會家破人亡!賭錢,只可當中娛樂,從中享受刺激與興奮,切勿沉迷呀!


還MIN PAY

有誰不想每月還清卡數?有錢邊個想爭人錢?偏偏這世代很多人寧願有個錢傍身,也不欲看見辛苦賺來的薪金拿來一舖清還卡數。但信用卡的利息,其實和高利貸有得揮,年息也達二三十厘,拖欠一個月卡數,這些利息足以多食幾啦!既然唔想花費人工用來還卡數,只要不過量簽賬,不就簡單解決問題嗎?






拍拖好,三五知己相聚好,或者一家大細活動也好,入戲院睇戲都係一個唔錯的選擇。但隨著戲飛價格不斷調升,現在睇套戲也動輒成舊水,難怪好多人已放棄入戲院睇戲,寧願在收費電視或網上租看,但戲院給觀眾的大銀幕享 ...
powerandmoney
睇戲慳錢招數
13 Dec 2017
下定了決心請辭之後,也別太過得意忘形,因為一個差的辭職過程,可能對日後的工作帶來壞影響,所以,辭職時要特別注意以下事項:
powerandmoney
【好來好去】辭職要注意的事
11 Dec 2017