{ SKIP }
文:傑克  圖:互聯網
POSTED ON 10 Oct 2017
點解我咁靚仔,但冇頭髮?點解我咁叻仔,但咁失敗?失敗,總有理由,其中一個最大理由,係因為我們由細到大都過著平凡人的生活,以平凡人的思維去做人做事,這些根深柢固的思維,正正是阻礙我們升呢的想法。想成功?先要認識它們、摒棄它們!
視野窄又短
搵工,以人工行先,寧揀高人工的工作,而放棄前景較佳的;創業,只顧短期賺盡,忽略長遠的盈利能力;買股票,有微利就急急腳走,白白放棄優質股帶來的倍數回報。很多人就是只著眼於一時之快,不會顧及未來的人生藍圖,見步行步,就只能繼續做個平凡人。


滿足於目前
正所謂知足常樂,每日返工完成份內事,放工相約三五知己玩樂一番,或是回家煲劇打機,輕輕鬆鬆又過一天,但日子也就是這樣過了,人生也就這樣平凡地完了。若果想成功,必要對自己的生活有所追求,對現況心存不滿,方有動力向前衝,無欲無求者,注定平凡過活。
太睇小自己
別人的成功,很多人會覺得是他們的本事,又聰明又勤力,又或者天生富二代,贏在起跑線,甚至乎一生行好運,做咩都掂。至於自己呢?生於平凡之家,又唔係叻,又冇運,點做都唔會成功。結果,一生人都沒有努力過,不斷在滅自己威風,總覺得自己不會成功,既然自己都睇小自己,試問成功又怎會找上門?
總愛找藉口
失敗,並不可怕,不肯接受失敗,才最可怕。人人都會犯錯,但很多人犯了錯卻不肯認錯,總喜歡找藉口將責任推卸,例如工作失誤,賴同事做錯;創業失敗,賴經濟下滑;投資失利,賴運氣欠佳;拍拖失戀,都賴對方狠心,從來沒有認真想過問題出於自己身上,從不承認失敗,就不會覺得有改善的需要,結果沒法進步,一世原地踏步。
其實做個平凡人也有平凡的好處,起碼做人輕鬆一點,但平凡人就要自命平凡,否則心裏想成功,卻以平凡人思維過活,只會自討沒趣呢!
股市一片暢旺,很容易沖昏股民的頭腦
powerandmoney
【溫故知新】毋忘投資初心
23 Oct 2017
今時今日,要突圍而出,殺出血路,創意是極為重要。但創意呢家野,好大程度係天生,有些人天生創意澎湃,無時無刻都有新諗頭,贏在起跑線。不過人生乃長途賽,出閘慢都未必一定輸,其實有好多成功人士都唔係天生聰明 ...
powerandmoney
增強創意有妙法
20 Oct 2017