{ SKIP }
文:傑克  圖:互聯網
POSTED ON 12 Oct 2017
近來股市暢旺,創九年新高,經濟環境好似一片美好,裁員新聞都少之又少。如果因此而放下戒心,以為自己份工好穩陣,咁就出事喇。有時候,唔需要因為公司要節流先炒人,只要上司睇一個員工唔順眼,話炒你就炒你啦!所以,不妨間中問下自己,工作時有冇以下情節出現,又就要小心,最好搵定工喇。
「個個咁做都冇事,得我咁做就被人鬧?」
明明有同事經常遲到早退,上司都隻眼開隻眼閉,但我遲到就俾上司照肺,點解呢?同事有特權,可能他們為公司貢獻良多,公司適當地下放權利。至於自己一跟做就出事,反映了你在公司僅是一般職員仔,再唔守規矩,遲早會出事。
「無論我做得幾好,上司都唔滿意,總係雞蛋裡挑骨頭!」
如果雞蛋裡的確藏有骨頭,上司要挑出來就確實情有可原,就算條骨好細條,一般人理應察覺不到,但上司咁都要仔細地挑,好可能因為你平日都經常犯下不小心的錯,做事不夠細心,上司才會特別留意你一些細微處,再不反省,小心自己被骨頭梗死。
「好似好耐冇同上司講過野,但其他同事同上司就有講有笑......」
上司理應對待下屬一視同仁,如果他健談,照道理和大家都會有講有笑,如果他不愛說話,對任何人也不苟言笑才對。怕就怕上司對人人都好好,偏偏對你一個態度有別,總是不聞不問,不啾不啋,看來,上司從沒將你放在眼內。
「成間公司既人都麻麻煩煩,好難相處!」
一樣米養百樣人,職場上唔會個個都夾得來,總有些同事相處得不太好,但如果覺得所有同事都有問題,上司又咩都唔理,其他部門同事都麻麻煩煩,就連清潔阿姐都阻頭阻勢,那麼,問題的根源只會是你自己了。無可能全公司同事都難相處的,唯一一個可能,就是自己是最難相處的人,和同事、上司合作不來,準備等炒魷吧。
2017年已在倒數階段,不久便踏入聖誕節,在這溫馨佳節,仍對買甚麼禮物感到頭痛的話,不妨從一些傳統又具個性的飾物着手。好像風行全球的國際珠寶品牌PANDORA,它高貴而女性化的飾品系列,一直深受女士們歡迎。例如P ...
style
【別具心意的聖誕禮物】PANDORA 聖誕優惠Gift Set系列
14 Dec 2017
在向上流動階梯愈來愈窄的今天,勤力、做足本份,絕對不會有得升職加薪。在職場上,雖然唔一定要出陰招上位,唔一定要爾虞我詐,但基本的辦公室政治及職場交際手腕,也不得不學,方有機會脫穎而出,爭取上司賞識。 ...
powerandmoney
不得不學習的辦公室政治課
15 Dec 2017
拍拖好,三五知己相聚好,或者一家大細活動也好,入戲院睇戲都係一個唔錯的選擇。但隨著戲飛價格不斷調升,現在睇套戲也動輒成舊水,難怪好多人已放棄入戲院睇戲,寧願在收費電視或網上租看,但戲院給觀眾的大銀幕享 ...
powerandmoney
睇戲慳錢招數
13 Dec 2017