{ SKIP }
文:傑克  圖:互聯網
POSTED ON 18 Oct 2017
個個打工仔都努力工作,做足本份,除非你能力屬超級撒亞人級別,上司一睇就睇得出你勁,否則,想些辦法讓自己突圍而出,令上司欣賞你,適當的奉承實在是少不免。人人都想取悅上司,但如果太著跡,不但受到同事杯葛,上司都睇得出你太做作,所以,要無聲無色取悅上司,才能做到擦鞋於無形。

早到遲走

哪個上司不喜愛見到員工在公司努力工作?如果上司每日返工第一個見到你,放工時又見到你,無論你工作表現如何,他都會記得你。

女士化妝,男士整齊

正所謂世間上沒有醜人,只有懶人,女士們返工如果肯化個淡妝,服飾上花點心思打扮下,已給同事及上司順眼的感覺,如果本身天生麗質,就更加明艷照人,上司定必記住你。男士不化妝,也謹記剃剃鬚,衣著整齊,給上司一種精神煥發、活力充沛的感覺,印象分大增。

保持笑容

一笑可以傾城,一笑可以泯恩仇,笑的力量真是偉大。工作時也不要吝嗇你的笑容,每日笑著工作,不但與同事關係和諧,上司見你笑口常開,會覺得你工作愉快,炒你會令自己內疚。

果斷快速

講完外在,可別忘記工作才是核心。作為上司,絕對喜歡幫到手解決問題的好員工,所以,工作時要決斷快速(當然唔好錯啦),分擔老細的工作量,到時想唔升你都唔得。

謹記教誨

上司日理萬機,未必有好多機會與他談話、溝通,假設真有機會與上司面談,要好好記得他說過的話,上司最憎員工唔聽話,講完唔跟做。即使與上司的對話無關工作,例如他喜歡喝什麼,也要好好將之緊記,下次叫TEA時不經意地幫他叫一杯,暖上心頭拿滿分。

曲線讚賞

把握每次工作表現出眾的機會,曲線地讚賞上司,令他感覺良好。例如:「我諗到呢條橋,都係因為你上次講過類似既野,先啟發到我咋。」「好彩你提一提我,我先至冇做錯。」「全靠你話咁做會好D,我先至咁快完成。」令上司覺得你的功勞他都有份,就不會喧賓奪主。

世界難撈,人浮於事,今時今日出來打工,唔容易找到一份真係好有興趣好想做的工作,有時候只要搵到份工,已經好好。但即是新工並非dream job,作為受薪員工,做好份工也是基本要求,但要點先可以做好一份唔係自己心 ...
powerandmoney
返新工的正確想法
24 Sep 2018
山竹襲港,一夜間使香港滿目瘡痍,加上特首的互諒互讓,造就萬千打工仔在車站前展現了一幕幕文明的排隊畫面。幾千人井然有序地打著蛇餅等搭車,場面令人感動兼震撼。但同時,排隊的人卻有苦自己知,尤其是一些趕時間 ...
powerandmoney
比排隊更文明的做法
21 Sep 2018