{ SKIP }
文:傑克  圖:互聯網
POSTED ON 26 Oct 2017
出得黎工作,理應要具備稱職員工的基本條件,先唔好講升職加薪,單單做好份內事幫到上司手,才值得留低。所以,如果發覺自己在職場經常講以下話話、問以下問題,看來這份工的工作是超出你能力範圍之外了。
「咁即係我要做咩?」
員工應該對自己工作範圍、內容十分清楚,有新項目起動,各個崗位自動埋位,如果下下都要問上司、同事自己負責甚麼工作,反映對自己的工作範圍都不了解,完全達不到一個員工的基本要求。
「我會盡量準時完成。」
「盡量」兩字是員工大忌,上司或同事聽到都有負面的感覺,因為講得「盡量」,代表你沒有信心去完作工作,唔係話明知做不來都硬說一定做到,但可以改用「努力」、「嘗試」,給人的感覺是,你有竭盡所能去做,最終失敗,都不能怪你。
「我做完喇,麻煩你幫我睇睇。」
或者你希望多個人多雙眼,減少出錯機會,但每件事也要求同事或上司幫忙檢查,除了反映你工作能力有限,沒法子將工作做得妥當,同時代表你欠缺信心,總覺得自己會做錯。
「呢個project全靠我咋!」
就算你所講是事實,也不要由自己把口講出來,上司或其他同事自會讚賞,自吹自擂乃乞人憎所為。做員工切記好大喜功,你的能力、對公司的貢獻,上司自會心中有數。胡亂認叻會讓上司覺得你個人主義,更惹來同事討厭,因為要完成一項工作,必然是團隊合作得來的成果,認叻是自掘墳墓的行為。
「我唔記得話俾你知......」
通常講得出這說話,必定有重大件事已發生,如果因為自己的一時冒失而誤了大事,引致出錯,下次可能係上司跟你說:「我唔記得話俾你知,你已經被我炒左喇。
「唔關我事喎。」
不肯認錯、推卸責任是人性本能,當有事發生,大家最緊張的必然是過錯是否關自己事,其實公司事情,人人有責,就算自己並不是直接與事件有關,也別說這些事不關己、己不留心的說話,這樣講,即代表你從來沒有投入工作過。


創業好似令人滿是憧憬,做未必成功,唔試就一定失敗!只不過,當打算辭掉工作落實創業大計前,也要明白一些道理。
powerandmoney
決定創業前須明白的事
21 Jun 2018
上個月,天文台錄得有記錄以來最炎熱的五月,五月已經熱到一個點,你說七、八月點算好呢?在香港這個石屎森林,叫大家唔開冷氣是不設實際的做法,但開冷氣的電費又確實貴到另一個點。幸好,其實都有方法慳住錢嘆冷氣 ...
powerandmoney
【又環保】慳錢嘆冷氣有方法
15 Jun 2018