{ SKIP }
文:傑克  圖:互聯網
POSTED ON 27 Oct 2017
今時今日,電子貨幣越趨盛行,八達通、信用卡、EPS、paypal、微信支付等等等等,梗有一兩款係大家已經用慣用熟了吧。的確,電子貨幣真係有好多優點,與此同時,亦反映了現金其實缺點多多,係時候將現金通通扔晒入銀行啦。
攜帶不便
很多人都怕袋散銀,俾錢時要左搵右搵,諸多不便。銀碼細麻煩,銀碼大一樣不便。香港現金面值最大為1000元金牛,假設想買價值十萬八萬的貨品,如手錶、車等,袋住幾十張金牛,銀包都擠得滿滿,如果想話買一百幾十萬既金銀珠寶呢,直頭要一箱箱銀紙帶出街,拍戲咩!
隨時被劫
周不時都有新聞報道,出納員在銀行提取現金後慘遭劫匪搶劫,是的,普通人看見人家手持一大疊現金,都會望多幾眼,心理質素稍弱者,更加會抵受不住金錢誘惑而作出偷竊或搶劫行為,難怪我們在提款機拿了幾千銀後,都硬係覺得後面有人在打自己主意。
意外遺失
即使相信人性本善,並非人人都會為錢而作出犯法行為,但隨身袋著幾皮野,都硬係周身唔聚財,主要因為怕自己不小心將筆現金遺留、失掉而不自知,金錢可沒有識別,人家執了不拿去差館也吹佢唔脹,因此造成嚴重損失就好唔抵。
污糟邋遢
最記得細個陪阿媽到街市買菜,找續時得來的現金總是污糟邋遢,無計,現金流轉速度快,人人都摸到,當中所含的細菌量實在無法想像,所以大家都習慣在使用現金後洗手消毒。
不能網購
現金原來不是甚麼都買得到,例如網上購物不收現金了,難道你有方法將cash上載,然後叫商舖自己下載嗎?
土豪行為
唔知幾時開始,使用現金變成了暴發戶、土豪的專屬行為,大家見有些人買東西時,從衫袋裏拿出一疊又一疊現金在細數,然後付款,心裏就會覺得他們是土豪、愛炫富、無文化、有錢大晒呀,然後投以厭惡眼光,原來使現金係好乞人憎呀喂!
世界難撈,人浮於事,今時今日出來打工,唔容易找到一份真係好有興趣好想做的工作,有時候只要搵到份工,已經好好。但即是新工並非dream job,作為受薪員工,做好份工也是基本要求,但要點先可以做好一份唔係自己心 ...
powerandmoney
返新工的正確想法
24 Sep 2018
山竹襲港,一夜間使香港滿目瘡痍,加上特首的互諒互讓,造就萬千打工仔在車站前展現了一幕幕文明的排隊畫面。幾千人井然有序地打著蛇餅等搭車,場面令人感動兼震撼。但同時,排隊的人卻有苦自己知,尤其是一些趕時間 ...
powerandmoney
比排隊更文明的做法
21 Sep 2018