{ SKIP }
文:傑克  圖:互聯網
POSTED ON 05 Feb 2018
唔覺唔覺,原來港股已經升穿33000點,屢創歷史新高!相信大部份股民都賺取了豐厚的利潤,可喜可賀。不過,如果閣下是斯人獨憔悴,只看著人家賺到盤滿缽滿,自己卻一次又一次錯過入市機會,一毫子都賺唔到,心情十分肉酸,咁應該點算好?
請記住別妒嫉或眼紅
恒生指數升到咁,差不到求其買隻藍籌都可以坐定定數銀紙,偏偏自己錯過了,但人家卻賺到笑,除了自己覺得不值,必定會眼紅他人,不單是賺幾多的問題,同時也是投資功力的比拼,可謂輸錢又輸技術。不過,妒嫉或眼紅是投資大忌,一旦情緒被支配,很容易失去冷靜,而作出錯誤的決策,切記!
請記住別急於高追
無錯,就是過去一年半載常常抱持這種心態,才一次又一次錯過了股市高速列車,所謂高處未算高,唔係應該唔好害怕,與樓市一樣,愈遲上車愈上唔到車咩?唔係話唔好高追,但追入時要有一個充份理由俾自己,而唔係盲中中狗衝。如果沒有強而有力的理由入市,一旦入市後出現調整,很容易會失方寸,不知走好唔走好,最終都沒法賺到錢。
請記住你沒有損失
買錯了股入錯了市,才會落得蝕錢下場,但錯過了入市時機,享受不到大升市,其實想深一層,並沒有金錢上的損失喎,賺不到又不是蝕了,股市日日開,每日都有機會賺錢。所以,今次錯過了升浪,應檢討為何會錯失良機,下次當機會再臨,去把握就是了。
請記住溫習功課
人生難免犯錯,尤其是股票市場,每個成功的投資者都是從錯誤中吸取教訓,慢慢學習,逐步逐步走上成功路。今次錯失升浪,是一次很好的學習機會,究竟過去一年為甚麼沒有入市?錯失在哪裡?好好溫習功課,提升投資技術,下次一定連本帶利贏到開巷!
令自己開心的生活小習慣,要活得快樂,才有動力實踐目標嘛。
powerandmoney
養成開心生活小習慣
22 Feb 2018
一年容易又過年,轉眼間又到了農曆新年大日子,和親戚朋友聚首一堂,互相祝賀一番,快快樂樂迎春接福!新年其中一項指定動作,就是已婚人士派利是,單身人士逗利是喇。適逢上周突如其來的股災,差不多將去年所賺都蒸 ...
powerandmoney
【鬥智鬥力】派利是 vs 逗利是
15 Feb 2018