{ SKIP }
文:傑克  圖:互聯網
POSTED ON 14 Feb 2018
話咁快,又到左男人最怕的情人節!單身宅男驚孤單,有女相伴又怕冧女不力,而且情人節已成為商家必爭之地,求其食餐飯買份禮物都要三幾千蚊,仲要唔包女友開心喎,都幾肉痛又冒險。其實在佳節要讓女友開心之餘,又唔使花費太多,都唔係冇辦法既。
享受愉快清晨
誰說情人節一定要相約伴侶燭光晚餐,才叫浪漫?一起到郊外看看日出,唱唱陽光點的歌,在晨光初現之際以太陽神作證,許下海誓山盟,比起公式化的燭光晚餐來得更浪漫。最緊要是,睇日出花費不多,是慳錢首選。
如果伴侶不能放肆地在情日節放一日假,也可以選擇放半天假或數小時假,將昂貴的酒店情侶晩餐改為價格較為便宜的輕鬆情侶午餐或下午茶,一來慳錢,二來又唔使和一班情侶迫,又不怕被餐廳限制交枱時間,食完下午茶仲有時間睇場七點半浪漫愛情片,跟手漫步沙灘,在微風輕拂下享受二人時光!
   
轉食情侶中餐
都市人無啦啦請一日或半日假慶祝情人節,點講都係奢侈動作,好吧,就算無法提早放工,一定要共進晚餐的話,也可以一反傳統,放棄大眾之選的西餐、情侶套餐等老土餐,不妨來個特色川菜、打邊爐等中式晚餐,毋須被奸商借情人節劏水魚,以高昂價錢食普通質素的西餐,而且中餐廳在情人時節大多不用等位,適合大頭蝦忘了預早訂位的傻男孩。
送禮要有經歷
情人節必備環節是送禮物,送花到女伴的公司確能幫她賺到艷羨目光,但情人節買花是世上最被人呃錢的行為,花不如等女友生日才送,也達到相若效果。送禮不在乎禮物的價值,一束花只能為伴侶提供一刻愉悅,並不長久,印象不會深刻。
   
要讓女友一世記住,應該送贈一些能夠讓伴侶有所感受及經歷的禮物,才夠刻骨銘心,例如送贈錄音毛公仔,預先錄好甜言蜜語,讓對方可不時重溫;或者送一部即影即有相機,然後一起拍攝溫馨相片,讓對方留下愛的烙印。簡單講,一份包含兩人一起相處與經歷的禮物,才是最動人。
各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023