{ SKIP }
文:MenClub 玄火  圖:互聯網
POSTED ON 30 Aug 2018

個個都富豪,唔通個個都是富豪咩?我們睇英超長大,個個球星聽講都幾百萬未開頭,然後《富布斯》再話你知,邊個邊個上榜,彷彿只要去到英格蘭球壇落班,就必然踏上飛黃騰達之路,是他,也可以是你和我。

業餘破紀錄

最近睇到一單新聞,當堂擎開個臭口,甚麼?業餘球隊竟然用18萬英鎊年薪請球員,差不多等於「兩球」港元年薪,開創歷史先河,咁仲叫業餘球員嗎?抑或只需要用業餘的態度去賺取職業球員的薪酬?望真一點,呢隊波叫沙福特城,無錯,就係由幾名曼聯「七小福」持有的球隊,再停一停、想一想,可能係大驚小怪。

畢竟,加利尼維利、菲臘尼維利、傑斯、史高斯和畢特聯合做老闆,花一點鈔票根本不志在,沙福特城僅是情意結的小玩意,成績好要去慶祝,成績不好一樣可以慶祝。再說,5人各持有10%股份而已,大股果其實是當年聘用加利佬執教華倫西亞的班主林榮福。

英甲不入流

說回本文正題,職業球員往往是表面光鮮,背後「爭鮮」,低級別聯賽的收入,甚至比起英國普通打工仔更差。目前英格蘭的四級職業聯賽是英超、英冠、英甲和英乙,對上一次進行薪酬普查是兩年前,顯示球壇的經濟泡沫愈吹愈大,局面更趨嚴峻。

英超球員的平均年薪為170萬英鎊,毫無疑問是世界球員的夢工場,像演員都想前往荷里活朝聖一樣。可是,低級別聯賽球員的收入被愈拉愈遠,英冠平均年薪僅32萬英鎊,英甲和英乙更僅得7萬英鎊和4萬英鎊,別以好好搵,放在2017年英國20大職業收入榜,連影都唔見。

英機師吃香

英國20大類打工仔之中,就算不計港人掛在嘴邊的「4師」,收入最高的是飛機師,而人力資源、市場部、公關、廣告部等主管也能躋身前15位,頭10位的平均年薪已高於英甲人工。再說,港超土炮的月薪目前平均都超過20K,薄有名氣的想超過30K,難度不是太大,相對兩地的球員而言,香港搵香港使,絕對好過英國搵英國使。

睇英超睇得多,我們會有種錯覺,以為英國月亮特別圓,真相不是那麼簡單。30年前,梳士貝利的薪酬支出是曼聯的10分之130年後,梳士貝利的薪酬支出是曼聯的100分之1,可想像只有英超的餅愈做愈大,但係其他聯賽的空間卻愈來愈小,情況有點似本地大型超市不斷狙擊屋村士多,大石壓死蟹。

真是打跛腳唔使憂?師兄,一旦有機會去英國落班,你打跛腳之前,真係要諗清諗楚呀!

此情未語淚先溶,自今別去,目斷飛「熊」。如果對上3年沒有簽下巨額合約,NBA球員或許已經錯過了登上富豪列車的黃金機會,因趨勢顯示球市逐漸走進送牛迎熊的階段。 悲劇人物 控球後衛Isaiah Thomas大約年半 ...
powerandmoney
【牛已轉熊】 從NBA自由市場看股市
25 Sep 2018
世界難撈,人浮於事,今時今日出來打工,唔容易找到一份真係好有興趣好想做的工作,有時候只要搵到份工,已經好好。但即是新工並非dream job,作為受薪員工,做好份工也是基本要求,但要點先可以做好一份唔係自己心 ...
powerandmoney
返新工的正確想法
24 Sep 2018