【井上三太IG流出！】《東京暴族》哈西姆全新搪膠公仔

文：MenClub Kay Pang 圖：互聯網
POSTED ON 25 Jul 2017

漫畫絕對係每個男人成長嘅回憶一部份，其中孕育咗大量著名漫畫嘅《週刊少年Jump（日語：週刊少年ジャンプ）》，最近為咗迎接創刊50週年而舉辦作品展覽，身在東京嘅我都想去潮聖一下。話題可能有啲拉遠咗，要介紹嘅《東京暴族（Tokyo Tribe）》雖然唔係《週刊少年Jump》連載過嘅漫畫，但佢對於一眾80後嚟講經典程度絕對唔差過少年Jump嘅漫畫，而且更係唔少人嘅潮流啟蒙！

點解又關潮流事？《東京暴族（Tokyo Tribe）》雖然以黑幫為故事背景，但漫畫入面講述大量嘅Hip-Hop同街頭文化，一眾主角嘅造型不但係當時嘅指標，當中嘅靈魂角色哈西姆（Hasheem）後來更同KAWS、:CHOCOOLATE等潮流單位合作推出聯名版搪膠公仔。到近日，《東京暴族》嘅原作者井上三太嘅IG就流出一張Hasheem背影，並加上一句「Brand New HASHEEM FIG Coming Soon！」字樣為搪膠公仔新作預告。睇嚟今年唔只日本街牌回歸，就連日本經典漫畫都會歸位，精彩！