唔少人去東京都會選擇花時間喺新宿、渋谷同原宿呢幾個地方,覺得夠方便又買到哂想買嘅牌子,但我偏偏鍾意去六本木同銀座多啲,尤其六本木有美術館行,又可以遠觀東京鐵塔,仲有得去Clubbing,真係夫復何求!而且作為六本木其中一大地標嘅「TOKYO MIDTOWN」,近年更積極邀請各路時尚名所進駐,例如Ron Herman、BEAMS、New Balance、KURA CHIKA等等,今個9月份更有埋COMME des GARÇONS(CdG)正式進駐!
以「過去有價值的東西」、「不存在的東西」、「不僅限於衣服的美麗事物」為營運理念嘅CdG概念店TRADING MUSEUM COMME des GARÇONS,繼2009年位於表参道GYRE開業後,日前終於選址六本木TOKYO MIDTOWN開設全日本第2間分店。新店除咗發售CdG家族內嘅COMME des GARÇONS、COMME des GARÇONS HOMME PLUS、PLAY COMME des GARÇONS以及COMME des GARÇONS PARFUMS外,同時更引進Gosha Rubchinskiy、JUDY BLAME、Christopher Nemeth、a child of the Jago、egg、Elena Dawson、Walter Van Beirendonck、Molly Goddard等歐美人氣品牌,而且閂鋪時間為9點,以日本嚟講絕對係收得夜,下次遊日絕對要去潮聖一下!
TRADING MUSEUM COMME des GARÇONS 六本木TOKYO MIDTOWN店