自從畀LVMH收購後，RIMOWA嘅時尚企劃一個比一個更具份量，今次同fragment design嘅聯乘，相信都係LVMH喺背後做「媒人」發功先促成合作。從細節看來，今次嘅「fragment版」似係玩科技感，皆因被曝光嘅細節位，正正係RIMOWA嘅嵌入電子標籤技術，原本只是一個透過藍牙連接手機傳輸航班資料嘅技術，如今電子標籤換上fragment閃電Logo同「FRGMT」字樣，或者呢個別注版又會有唔同嘅玩法。當然，呢啲都係我嘅「斷估冇痛苦」，究竟係咪真係玩科技？喼身、手柄等位置會唔會有更加屬於fragment嘅專屬細節？就要拭目以待了！