新創立嘅KAKOI品牌名有雙重意思，KAKOI喺日文中嘅漢字為囲，正好就係主腦姓氏「井口」重疊埋一齊，而另外KAKOI呢個發音亦係日文「格好い」嘅諧音，意思係〝有型〞嘅傳統說法。風格方面亦同以往SWAGGER嘅美國西岸街頭風完全唔同，走高質日常基本服路線，而品牌首波推出嘅單品係Cap帽，井口秀浩覺得每個完整嘅造型，都係由帽或鞋開始決定，因此推出帽款試試水溫！而目前呢啲帽款經已喺KAKOI官網正式發售，定價為¥5,800Yen。