日本方面嘅Starbucks 不嬲都同日本原宿系教主藤原浩嘅Fragment Design行得好埋，仲推出過好幾次嘅聯乘商品，除咗引起日本當地嘅潮人們去搶購之外，佢哋嘅Resll價亦都炒到上一個可觀數字。

最近嗰次就喺兩個月前，日本Starbucks 同 Fragment Design 就搵咗有成百年歷史嘅Outdoor用品牌子 STANLEY 搞完個三方聯乘，出咗一套兩色嘅保溫咖啡杯。當時我喺東京都行咗三四間先搵到一隻。

事隔只有短短嘅兩個月，佢地兩個老友又搵咗個玩開簡約 Vintage Style 嘅器皿品牌 Fire-King 做三方聯乘，而今次嘅聯乘商品就公布咗有一套兩隻分別以灰色同Navy色嘅製作嘅玻璃杯，同埋會喺8月21號正式開售，價錢方面就係一隻各５０００円。