究竟由男人設計嘅嘢係咪真係會啱男人口味多啲呢？周柏豪一直擁有自家品牌兼做網購，近排就同紐約眼鏡品牌MOSCOT合作推出聯乘限量版太陽眼鏡順便慶祝品牌創立一百週年，一向只愛黑色嘅柏豪幾乎見親佢都係all black，叫佢設計太陽眼鏡都決定用啞黑和亮黑作框架，配上水銀鏡片作層次對比，限量發售250副，每副$2,980，12月1號有得賣喇。