新店嘅最大賣點，亦都係最吸引小編要即時介紹嘅，就係GO WILD竟然能夠將日版Columbia「Black Label」帶到香港，呢條以往只限日本國內發售嘅支線，走嘅係休閒時尚格調，喺常見嘅機能服中注入大量簡約、運動同時尚元素，加上剪裁俐落同簡單嘅用色，其實似Fashion品牌多過Outdoor品牌。

當然，鋪頭主打嘅仲有多個真正嘅高階Outdoor品牌，例如法國嘅七彩防水褸始祖K-Way、加拿大星級羽絨品牌Nobis、加拿大國民雪靴Pajar等等，無論時裝愛好者或者Outdoor愛好者，呢間新Pop-Up Store絕對要去潮聖！