MEN OF THE YEAR - 一個由男士雜誌《GQ》發起,每年一度喺時裝、運動、政界、演藝等不同界別入面選出,當年最有話題又或者最有代表性嘅男士,小編今次就想借題發揮,但淨係講香港又點夠呢?不如索性連同英、美、韓、日、星,再加上中港台三地共合8個國家,嚴選出8位最能夠代表當地嘅「MEN OF THE YEAR 2016」!
因為日版《GQ》嘅「MEN OF THE YEAR 2016」喺11月頭已經選出,星野源冇份入選其實有啲可惜,你又點會估到呢個「恋ダンス」(港譯:逃恥舞),唔單止取代咗PPAP嘅地位,就連已故總統甘迺迪嘅女嘉露蓮(Caroline Kennedy)都跟住跳呢!絕對係「日本區MEN OF THE YEAR 2016」嘅滄海遺珠!
香港代表 - 楊岳橋
唔係想講政治呢啲咁敏感嘅話題,純粹覺得要搵一個代表香港嘅「MEN OF THE YEAR 2016」,呢位2016年頭走馬上任到9月再正式連任嘅立法會議員,比起好多人有智慧同有心機去做好自己份工,喂講真唔選佢仲可以選邊個!