{ SKIP }
文:MenClub Kay Pang 圖:互聯網
POSTED ON 30 Jan 2017
Online Store嘅崛起令大家嘅消費模式改變,係好多唔同訪問入面都聽到,唔少人都寧願去外國Online Store買都唔想出街買衫,難怪零售業會持續寒冬。但作為一個真正嘅時裝愛好者,小編始終都堅持行實體店摸行啲衫、feel下環境同氣氛,無他,呢啲嘢全部都係Online Store永遠取代唔到實體店嘅嘢,買嘅亦係全部店主嘅口味同獨特風格,加上最近福布斯公佈咗「The Five Best Menswear Shops In Hong Kong」,當中有3間更喺隱身於灣仔3條相隔只係300米嘅街(包括日街、聖佛蘭士街同捷船街),趁住呢個農曆新年,不如上少陣網落去望下,話唔定可以重燃大家對於行街試衫同買衫嘅樂趣!



kapok(日街,灣仔)
創立於2006年嘅kapok,創辦人係法國籍嘅Arnault Castel,由乏人問津到今時今日坐擁7間遍佈香港及新加坡嘅分店(全盛時期連東京同台北都有分店),靠嘅係將法國人崇尚嘅Lifestyle態度變成經營理念,除咗今年入選福布斯排行榜,亦曾以「無可挑剔的品味」被CNN選為「香港最棒的五間店」之一。

地址:灣仔日街3號 (2520 0114)



delstore(捷船街,灣仔)
由前Lane Crawford時裝買手Derrick與拍檔Ewing主理嘅delstore,係香港少數可以堅用「隱世」呢個字形容嘅時裝小店,無論店內嘅擺設同裝修,加上店外冇任何門牌,第一次入去真係會以為去咗中目黑或者代官山。

地址:灣仔捷船街 3號地鋪( 2528 1770)



Monocle Shop(聖佛蘭士街,灣仔)
位於灣仔聖佛蘭士街嘅Monocle Shop係繼倫敦、洛杉磯和東京後,全球第四間由雜誌《Monocle》所開設嘅分店,同其他3間分店一樣,除咗發售有關《Monocle》嘅聯名商品、明信片同CD之外,亦設有Studio進行一些編輯工作。

地址:灣仔進教圍1號 (2804 2323)



The Armoury(畢打街,中環)
以引進頂級工藝與品質並重紳士服嘅The Armoury,為一眾中環白領族及Gentlemen搜羅世界各地高品質嘅Formal Wear,除咗最傳統嘅英國同意大利手工紳士服品牌,亦提供亞洲訂製高級西裝,以及從領帶到鞋履、錢包到雨傘均一應俱全的配飾系列。

地址:中環畢打街12號畢打行3樓307室 (2804 6991)



HOLA Classic(加路連山道,銅鑼灣)
另一間以西裝為主嘅小店,走紅磚設計嘅店鋪同鋪名一樣Classic到爆,有種入咗英國古舊小店嘅感覺。Hola Classic不但有專業裁縫為客人度身訂造嘅服務,同樣在Vintage嘅英倫紳士風中,多了精緻嘅日系紳士服供大家選擇,同時亦有售賣其他男士休閒服及配飾,包括帽、領帶、鞋等。

地址:銅鑼灣加路連山道17A禮信大廈地下 (2870 0246)

在1994年拍攝的電影《阿甘正傳》(Forrest Gump),是無數影迷心目中的經典之作,而 Forrest Gump 在電影中穿著的 OG Cortez ,也因電影的推波助瀾之下,而成為了經典鞋款,這雙紅、白、藍配色的 OG Cortez 亦有「阿 ...
style
Forrest Gump 在《阿甘正傳》穿著過的 Nike Cortez 阿甘鞋,以天價 $57500 美元賣出!
28 Mar 2024
現時「Blockcore」風潮大行其道,可不少人也穿上球衣搭配牛仔褲和球鞋,不少時裝品牌也因此而推出新款球衣設計。不過對於英超球會曼城而言,他們更偏向於選擇了「機能風」時尚,皆因在剛剛,曼城宣佈與意大利頂級機 ...
style
C.P. Company 成為曼城合作夥伴,夏蘭特將會穿著 Goggles Jackets 示人?
27 Mar 2024