【結合服飾與餐飲！】H&M集團全新品牌ARKET 2017秋登場

文：MenClub Kay Pang 圖：互聯網
POSTED ON 07 Apr 2017

近年各大Fast Fashion品牌紛紛轉型，唔再貪造一季貨仔，開始對物料有要求，甚至有風格有理念同原創嘅設計，話佢哋係Fast Fashion倒不如Mass Fashion更加貼切。就好似瑞典嘅H&M時裝集團，旗下嘅品牌各具特色，照顧普羅大眾有H&M、走街頭風格有MONKI同WEEKDAY、走簡約藝術派兼中價路線亦有COS，仲有將會喺今年秋天正式面世嘅「ARKET」！

全新品牌「ARKET」雖然繼續以平價服裝為主要理念，將囊括男裝、女裝同童裝線，並走北歐簡約時裝風路線，但同時間更將「健康」一詞結合其中，將會喺店內設立Cafe與餐廳嘅飲食空間，而全球首間「ARKET」店已經有定案，將會選址於倫敦攝政街，並預定喺今年內進軍布魯塞爾、哥本哈根、慕尼黑等歐洲大城市，而其他地區例如亞洲則可以透過Online Store購物，值得期待！