香港PlayStation最近就推出PS4出機優惠，連game又連會員資格。雖然優惠還可以接受，但心水清就會知道佢哋係想清埋500GB版嘅貨尾，加上外國1TB版已經減價，引來PS5嘅推測都算合理。不過2年前吉田修平話過到PS4機能頂唔順先會考慮出PS5，而當大家都覺得PS4應付唔到4K同VR時，佢哋就推出PS4 Pro解決，加上PS4 Pro只係推出冇耐，所以我就覺得言之尚早。

諗返PS4未出之前，PS3同Xbox 360都仲算係五五波，各有支持者同吸引嘅獨佔大作。不過自PS4喺2013年11月推出之後，好快就改寫局面，依家PS4市場佔有率已經大幅拋離對手Xbox One。雖然Xbox One喺呢場對決失利，但Microsoft仍然未放棄，今年應該會推出新主機「Project Scorpio」博翻身，大家拭目以待啦。