一向玩高科技嘅RealDoll，佢哋嘅公仔全部都可以為你度身訂造，膚色、頭髮同身材都任你揀之餘，今次加入埋人工智能之後，就連性格都有得揀，真係有少少似《Westworld》咁設定機械人性格同能力。入門版Harmony要5000美元，如果有人臉辨識功能就貴一倍，售價$10000美元，接近8萬港幣買個公仔值唔值得？其實真係兩睇，好處係24X7想做就做，而且以前就話同公仔玩冇反應，家陣有埋人工智能識出聲兼同可以你講嘢，有晒交流。

雖然Harmony嘅眼睛同口部動作暫時都唔算好自然，而語音系統對答亦有待改善，不過將人工智能同人類外型結合，都係一大進展。不過講到性愛機械人，都係等日本出穩陣，J開有感情嘛。不過如果將來AR結合埋人工智能公仔就完美，你諗下個公仔想變成咩樣都得，而且仲有埋實體公仔嘅質感，諗起都開心。