{ SKIP }
文:MenClub Patrick  圖:MenClub
POSTED ON 29 Aug 2014
香港人不嬲對性好保守,就算自從上年開始,亞洲成人博覽(AAE)被「成功爭取」喺香港搞埋一份,但都搞得好低調,仲要只畀事界人士入場,同澳門AAE請晒AV女優嚟做show,搞到似足大型盛事嘅級數差好遠。

不過,若然你想睇最新成人用品嘅話,香港AAE一樣滿足到你嘅好奇心,因為今年有來自15個國家成175個參展商嚟擺檔show off新產品,唔少仲整到成件科技gadget咁款,唔再係一味得啲假狗同吹氣公仔,夠晒Hi-Tech。今屆香港AAE經已開展,聽日就會完結,各位入唔到場睇唔緊要,等筆者影啲得意產品畀大家睇!




美櫻梨舞(前名:麻宮玲



飛機杯H game互動
行勻全場,覺得最正係日本性商店Wild One設計嘅呢隻USB電動飛機杯,叫做Cyclone X10。佢插條USB線嚟供電?你咁諗嘅話就證明你都幾純情,其實係用嚟駁電腦㗎!Wild One已經搵咗PC game廠同佢哋合作(邊一間仲係秘密,老細唔肯講),整啲專畀Cyclone X10用嘅H game。

飛機杯同game一結合,就會產生互動效果,即係調情文戲嗰陣,杯入面個粒粒轉筒就會轉得慢啲,但一到埋牙肉搏嗰陣,佢就會全速啟動,啜到你欲仙欲死,同game中男角一樣咁爽歪歪,真係㗎仔先諗得出呢啲嘢!


Wild One董事武藤先生

Wild One董事武藤先生話佢相信呢個電動飛機杯會好中宅男市場,「日本係動漫天堂,好多嘢都離唔開動漫,性玩具都唔會例外,又見市面仲未有類似產品,於是就決定搵H game廠合作搞Cyclone X10,過程一啲都唔易傾。」而Wild One都喺香港開咗兩間性玩具舖,今次又嚟AAE參展,仲請咗AV女優美櫻梨舞嚟做代言人,原來係想借香港打入大陸市場,「大家都係亞洲國家,口味應該差唔多。」筆者就覺得乜都假,有AV女到場最實際,起碼現場所見,啲人真係對產品冇興趣,都會停低睇吓影吓美櫻梨舞。





智能如意棒
用iOS智能裝置去遙控,已經唔止喇叭、燈膽之類,今次玩到去如意棒!大陸廠商Global Novelties設計嘅呢款棒,可以畀人用iPhone、iPad經藍牙調校佢嘅震動力度,甚至連播歌都得......寫寫吓,我真係覺得似寫緊平日寫開嘅智能gadget。

但係一手拎住棒棒,另一隻手又要揸手機遙控,咪好忙?佢嘅設計原意梗唔係畀你自己遙控啦,係畀你愛人幫你㩒掣,製造驚喜㗎!愛人仲可以對住手機講嘢,再喺震蛋度發聲添,嗌「吔媽嗲」定「蠍摩滋」好呢?





得意蛋蛋
韓國性文化仲保守過香港,性玩具廠好怕啲普通樣嘅震蛋,女士會唔想用唔敢擺喺屋企,所以韓國大牌ZINI就諗到將震蛋整到成個冬甩咁款,真係送禮自用都大方得體,仲要震男震女震咩部位都得。

得意震蛋仲有大陸品牌odeco呢隻叫Duo Duo嘅電兔,佢雙耳就係震動器,開着後正面仲有兩粒發光掣變成眼添,真係擺喺廳度未必估到係乜嚟。




轉珠假狗飛機杯
國內牌子Mandarin呢幾款假狗同飛機杯,內藏成堆大細鐵珠,會好似工廠機器咁不停起勢上下左右轉嚟刺激玩家,睇落幾似啲重機械,仲有得㩒掣調校,激友啱玩。







3D投影1:1 Mary
始終AAE都係畀性商店買家等業界人士參觀,所以展出產品唔一定係畀用家買到嘅性玩具,例如香港當下設計嘅產品展示箱,對象係外國嘅成人用品店。佢哋將1:1 Mary同其他性玩具擺喺唔同形狀嘅展示箱入面,再加埋3D投影技術,播放佢哋自己製作嘅動畫,當堂引到唔少人圍觀。


當下設計創辦人Edward

當下設計創辦人Edward話佢哋本身係做開電器等一般產品嘅展示箱,「今次係大會請我哋嚟參展嘅,仲提供埋個1:1公仔,我哋就設計咗呢啲display。用呢種方法去介紹貨品會生動啲同更有視覺效果,暫時聽到外國買家嘅反應唔錯。」



自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024